اسلام آباد۔9دسمبر(اے پی پی) پاکستان سلامتی کونسل دی طرفوں ھک واری ول غزہ اچ جنگ بندی دی اپیل نہ کرݨ تے مایوسی دااظہارکریندے ہوئیں انسانی المیہ توں بچݨ سانڳے وختی تے غیر مشروط جنگ بندی دے مطالبے دا اعادہ کیتے۔دفترخارجہ دے ترجمان ہفتے کوں اتھاں جاری بیان اچ آکھیے جو غزہ اچ وݙے پیمانہ تے انسانی المیے دے باوجود سلامتی کونسل جنگ بندی دی اپیل اچ ناکام رہی جیں توں …
پاکستان دا سلامتی کونسل دی طرفوں غزہ اچ جنگ بندی دی اپیل نہ کرݨ تےمایوسی دااظہار، انسانی المیہ توں بچݨ سانڳے اتے وختی تے غیر مشروط جنگ بندی دے مطالبے دا اعادہ
مزید خبراں
اسلام آباد۔9دسمبر(اے پی پی) پاکستان سلامتی کونسل دی طرفوں ھک واری ول غزہ اچ جنگ بندی دی اپیل نہ کرݨ تے مایوسی دااظہارکریندے ہوئیں انسانی المیہ توں بچݨ سانڳے وختی تے غیر مشروط جنگ بندی دے مطالبے دا اعادہ کیتے۔دفترخارجہ دے ترجمان ہفتے کوں اتھاں جاری بیان اچ آکھیے جو غزہ اچ وݙے پیمانہ تے انسانی المیے دے باوجود سلامتی کونسل جنگ بندی دی اپیل اچ ناکام رہی جیں توں پاکستان کوں مایوسی تھئی اے ۔ ترجمان آکھیے جو اقوام متحدہ دے سیکرٹری جنرل دی طرفوں اقوام متحدہ دے چارٹر دے آرٹیکل 99 دی درخواست اتےغزہ اچ انسانی تباہی بارے وارننگ دے باوجود سلامتی کونسل بین الاقوامی امن و سلامتی کوں برقرار رکھݨ دی آپݨی بنیادی ذمہ واری ادا کرݨ اچ ناکام رہی اے ۔ترجمان آکھیے جو غزہ دے محصور عوام جیڑھے اجتماعی سزا کوں برداشت کریندے پئن او ناقابل قبول اے ایندی مثال نی ۔ترجمان انسانی المیہ توں بچݨ سانڳے وختی تے غیر مشروط جنگ بندی دے مطالبے دا اعادہ کریندے ہوئیں اسرائیل توں غزہ دے خلاف وحشیانہ حملے اتے غیر انسانی محاصرہ ختم کرݨ دا مطالبہ کیتے ۔ انہاں آکھیے پاکستان اقوام متحدہ دی سلامتی کونسل کارروائی ، غیر انسانی جنگ کوں مکاوݨ تے غزہ دے عوام کوں نسل کشی توں بچاوݨ بچانے سانڳے کردار نبھاوݨ دا مطالبہ کریندے ۔
