ریاست پاکستان دہشتگردی دے خلاف جنگ جیت چکی اے، دہشت گرد جتلا زور وی لاون کامیاب نا تھیسن، نگران وزیراعظم انوار الحق کاکڑ

ڈیرہ اسماعیل خان ۔13دسمبر(اے پی پی):نگران وزیراعظم انوار الحق کاکڑ آکھیے جو ریاست پاکستان دہشتگردی دے خلاف جنگ جیت چکی اے، دہشت گرد جتلا زور وی لاون کامیاب نا تھیسن، علماء حق ریاست اتے امن دے نال کھڑن، دہشت گرد حملیاں دا اڳو تے ودھ تے منہ ٻھن ولدا ݙیسوں۔ اے ڳالھ انہاں ڈیرہ اسماعیل خان دہشت گرد حملے اچ زخمی لوکاں دی عیادت دے بعد الیندے آکھی۔ انہاں آکھیا جو ملک دے تحفظ کیتے زخمی تھیوݨ آلے جواناں دے حوصلے اچے ہین، میں انہاں کوں حوصلہ ݙیوݨ آیاں، حملہ آوراں کوں چتینداں جو او اے جنگ ہر چکین، او ہری ہوئی اتے اساں جیتی ہوئی جنگ لڑدے پئے ہیں، اپݨی سرزمین دی حفاظت کرݨ آلے شہداء اتے زخمی ﷲ دے اڳو سرخرو تھیسن، دہشت گرد ساکوں موت توں نئیں ݙرا سڳدے۔ انہاں دہشتگرد حملہ اچ زخمی تھیوݨ آلیاں دی وی عیادت کیتی۔