اسلام آباد۔18دسمبر(اے پی پی) چیئرمین سینیٹ محمدصادق سنجرانی وفد دے رلے کویت دے سفارتخانے دا دورہ کیتے۔ وفد اچ سینیٹرز نصیب اللہ بازئی، محمد عبدالقادر اتے دنیش کمار شامل ہن ۔ سینیٹ سیکرٹریٹ توں جاری پریس ریلیز موجب چیئرمین سینیٹ محمد صادق سنجرانی کویتی سفیرنال امیر کویت شیخ نواف الاحمد الجابر الصباح دے انتقال تے ݙکھ تے افسوس کیتے اتے مہماناں سانڳے رکھی ڳئی کتاب اچ تعزیتی کلمات قلمبند کیتن۔چیئرمین …
چیئرمین سینیٹ دا وفد دے رلے کویتی سفارتخانے دا دورہ، امیر کویت دے انتقال تے ݙکھ تے افسوس
مزید خبراں
اسلام آباد۔18دسمبر(اے پی پی) چیئرمین سینیٹ محمدصادق سنجرانی وفد دے رلے کویت دے سفارتخانے دا دورہ کیتے۔ وفد اچ سینیٹرز نصیب اللہ بازئی، محمد عبدالقادر اتے دنیش کمار شامل ہن ۔ سینیٹ سیکرٹریٹ توں جاری پریس ریلیز موجب چیئرمین سینیٹ محمد صادق سنجرانی کویتی سفیرنال امیر کویت شیخ نواف الاحمد الجابر الصباح دے انتقال تے ݙکھ تے افسوس کیتے اتے مہماناں سانڳے رکھی ڳئی کتاب اچ تعزیتی کلمات قلمبند کیتن۔چیئرمین سینیٹ محمد صادق سنجرانی آکھیے جو امیر کویت داانتقال نہ صرف کویت دے شاہی خاندان اتے عوام بلکہ پاکستانی عوام کیتے وی ٻہوں وݙا ݙکھ اے ، اساں ھک سچے یار تے متحرک لیڈر کوں ونڄا ݙتے۔محمد صادق سنجرانی آکھیے علاقائی استحکام، عالمی ترقی کیتے انہاں دی ذاتی وابستگی تے قوماں وچال خلیج کوں گھٹ کرݨ سانڳے انہاں دی خدمات وݙے عرصے تئیں یاد رکھیاں ویسن ۔چیئرمین سینیٹ آکھیے ݙکھے ویلھے کویت اتے اوندی عوام دے ݙکھ اچ برابر دے شریک ہیسے ، اللہ تعالیٰ مرحوم شیخ نواف الاحمد الجابر الصباح دی مغفرت اتے درجات بلند کرے۔
