دوست ملکاں نال متوازن تعلقات برقرار رکھݨ تے یقین رکھدے ہیں، آرمی چیف جنرل سید عاصم منیر دی امریکی تھنک ٹینکس، میڈیا نال ڳالھ مہاڑ

واشنگٹن ۔20دسمبر(اے پی پی):پاک فوج دے سربراہ جنرل سید عاصم منیر آکھیے جو پاکستان جغرافیائی سیاسی و جیو اکنامک ہر لحاظ نال اہم ترین ملک اے ڄیڑھا رابطیاں دے مرکز، وسطی ایشیا اتے ایندے تو اڳو کیتے گیٹ وے ٻݨ تے ترقی ݙیوݨ چاہندے، پاکستان بلاک پالیٹکس تے یقین نئیں رکھدا،اساں دوست ملکاں نال متوازن تعلقات برقرار رکھݨ تے یقین رکھدے ہیں، پاکستان طویل مدتی ݙو طرفہ تعلقات سانڳے امریکا نال تکڑے تعلقات چاہندے۔ اے ڳالھ انہاں واشنگٹن اچ امریکی تھنک ٹینکس اتے میڈیا دے نمائنداں نال ڳالھ مہاڑ اچ آکھی۔ آئی ایس پی آر آکھیے جو آرمی چیف ملاقات اچ علاقائی سلامتی و بین الاقوامی دہشتگردی، جنوبی ایشیا اچ سٹریٹجک استحکام کیتے پاکستان دا نقطہ نظر پیش کیتے۔ آرمی چیف مسئلہ کشمیر کوں مسلمہ ڄھیڑھا قرار ݙیندے ایکوں کشمیری سک اتے اقوامِ متحدہ دی قرارداداں دے مطابق حل کرݨ تے زور ݙیندے آکھیے جو کوئی وی یکطرفہ اقدام کشمیری عوام دی خواہشات دے خلاف ایں جھیڑے کوں ودھیسی، غزہ اچ انسانی ہمدردی دی بنیاد تے فوری جنگ بندی تھیوݨی چاہیدی اے، خطے اچ پائیدار امن کیٹے ݙو ریاستی حل ٻہوں ضروری اے، دورہ امریکا اچ میݙی ڳالھ مہاڑ ٻہوں مثبت رہی اے، پاکستان کئی ݙھاکیاں توں بین الاقوامی دہشت گردی دے خلاف ہک محافظ ٻݨ تے کھڑا ریہے، علاقائی استحکام و عالمی امن و سلامتی کیتے کم کریندا رہے اتے پاکستان دہشت گردی دے خلاف اپݨی پائیدار جنگ اچ بے مثال قربانیاں ݙتن ڄݙاں جو پاکستان دہشتگردی دے خلاف ایکوں مکاوݨ تئیں لڑدا رہسی۔