ملک اچ 9 مئی دے ہنگامے مسلمہ حقیقت ہین، ہر ملک اچ ریاستی تنصیبات تے حملے جرم منیندن، جمہوریت اتے حکومت دا جائزہ کارکردگی توں ڳھنݨا چاہیدے، نگران وزیراعظم انوار الحق کاکڑ

صوابی۔20 دسمبر(اے پی پی)نگران وزیراعظم انوار الحق کاکڑ آکھیے جو ملک اچ 9 مئی دے ہنگامے مسلمہ حقیقت ہین، ہر ملک اچ ریاستی تنصیبات تے حملے جرم منیندن، جمہوریت اتے حکومت دا جائزہ کارکردگی توں ڳھنݨا چاہیدے، ڄیڑھی مقبولیت کارکردگی ودھاوݨ دے کم نا آوے او تباہی ثابت تھیندی اے، جمہوری اصول ہر کوئی چاہندے ٻھل جمہوریت اچ کارکردگی تے کوئی نئین الیندا۔ اے ڳالھ انہاں غلام اسحاق خان انسٹیٹیوٹ آف انجینئرنگ، سائنسز اینڈ ٹیکنالوجی دے طلباء و طالبات دے سوالاں دے ولدے ݙیندے آکھی۔ انہاں آکھیا جو ملکی قوانین دے تحت ہی سارے مقدمے تھیئن، قوانین دے مطابق لوکاں کوں حراست اچ رکھݨ تے قید کرݨ ریاست دا اختیار ہوندے جیکوں چیلنج کرݨ ریاست دی بقاء کوں دا تے لاوݨ آلی ڳالھ اے، کہیں گروہ یا سیاسی جماعت کہیں رہنما کوں جیل اچ نئیں سٹیا ڄیکر اے کم کہیں سیاسی یا نجی گروہ کیتا ہوندا تاں اے قانون دی خلاف ورزی ہوندی، سیاسی رہنما اڳیں وی ڄیلاں ٻھڳیندے رہین، قانون اچ عدالت ونڄݨ دا حق مووجود اے، ڄیکر کہیں کوں نظام تے اعتراض اے تاں 8 فروری کوں الیکشن نال ڄیڑھی وی حکومت آسی او آئین اچ کوئی ترمیم کرے تاں کر سڳدی اے جو اے اختیار نگران حکومت کوں کائنی، میکوں حیرت تھیندی اے جو اساں ہک پاسو تاں سویلین بالادستی، جمہوریت اتے آزادی اظہار رائے چاہیدا ہوندے ٻھل ساکوں اپݨے سیاسی رویے تے بحث قبول نئیں ہوندی، طلباء دا حق اے او ٻھاویں جیکوں چاہون اوندی حمایت کرن، کوئی ایں حق کوں چیلنج نئیں کریندا پیا۔