ملک 2 کروڑ 80 لکھ سکول توں ٻاھرو ٻالاں کوں تعلیم کیتے مسیتاں تے مدارس نال رل تے کٹھیاں کوششاں کرݨیاں ہوسن، صدر مملکت دا اڳواݨی اچ مدارس دی تعلیم دے ودھارے بارے اجلاس نال خطاب

اسلام آباد۔21دسمبر(اے پی پی)صدر مملکت ڈاکٹر عارف علوی آکھیے ج جو ملک 2 کروڑ 80 لکھ سکول توں ٻاھرو ٻالاں کوں تعلیم کیتے مسیتاں تے مدارس نال رل تے کٹھیاں کوششاں کرݨیاں ہوسن۔ اے ڳالھ انہاں ایوان صدر اچ مساجد دی تعلیم دے ودھارے بارے اجلاس نال خطاب اچ آکھی۔ اجلاس اچ وفاقی وزیر برائے مذہبی امور، صوبائی وزیر تعلیم سندھ اتے وزیر تعلیم آزاد کشمیر، صوبائی سیکرٹریز تعلیم، محکمہ اوقاف و مذہبی امور دے نمائنداں شرکت کیتی۔ صدر آکھیا جو ٻالاں کوں تعلیم ݙیوݨ کیتے سکولاں اتے مدارس کوں رل تے کم کرݨا چاہیدے، مساجد کوں خواندگی اتے تعلیمی مقاصد کیتے چنڳاں استعمال کیتا ونڄ سڳدے۔ اجلاس اچ ایکسلریٹڈ لرننگ پروگرام تے بریفنگ ݙتی ڳئی جیندے تحت 24 توں 30 مہینے اچ 5 سال دی پرائمری تعلیم ݙتی ویندی اے اتے سکول توں ٻاھرو رہ ونڄݨ آلے ٻالاں کوں باقاعدہ سکولاں اچ داخل کیتا ویندے، اے ماڈل کمیونٹی دی ڄاہ، مدارس، مساجد اتے سکولاں دی ݙوڄھی شفٹ اچ اپنایا ونڄ سڳدے۔