پروپیگنڈے اتے بیانیہ دے دور اچ انفارمیشن گروپ دے افسران دی اہمیت ٻئی ودھ ڳئی اے، مرتضیٰ سولنگی

اسلام آباد۔23 دسمبر(اے پی پی):نگران وفاقی وزیر اطلاعات، نشریات و پارلیمانی امور مرتضیٰ سولنگی آکھیے جو پروپیگنڈے اتے بیانیہ دے دور اچ انفارمیشن گروپ دے افسران دی اہمیت پہلے توں ٻہوں ودھ ڳئی اے۔ انفارمیشن سروس اکیڈمی اچ 38 ویں مڈ کیریئر مینجمنٹ کورس (ایم سی ایم سی) اتے 40 ویں سپیشلائزڈ ٹریننگ پروگراماں دی گریجویشن تقریب نال خطاب کریندے نگران وفاقی وزیر اطلاعات آکھیے جو پروپیگنڈے دے مقابلے اتے پاکستان دے مثبت تشخص کوں اڳونہا کرݨ کیتے انفارمیشن گروپ دے افسران دا اہم کردار اے، سول سروس دے ٻہوں ٻئے گروپس توں ہٹ تے انفارمیشن گروپ دے افسران اپݨیاں صلاحیتاں بہتر کرݨ کیتے مسلسل مطالعہ اتے سخت محنت کریندن، انفارمیشن گروپ افسران کوں نہ صرف میڈیا، میڈیا قوانین ٻھل سیاست، تاریخ، جغرافیہ، آرٹ، ثقافت، موسیقی اتے ملکی زباناں بارے وی سکھݨا چاہیدے، اڄ دا ہک نواں دور شروع تھیندا پئے، اڄ سوشل میڈیا تے ہک نویں ”سیاسی معیشت“ ایجاد ہو چکی اے تے کوئی وی جعلی خبراں کھنݙاوݨ اتے بوگس ٹرینڈ ٻماوݨ کیتے کڄھ لوکاں دیاں خدمات ڳھن سڳدن، جدید ٹیکنالوجی دے دور اچ سچائی کھنݙاوݨ اچ دیر ٻنھاں کوں جعلی خبراں اتے پروپیگنڈے نال خلا پُر کرݨ دا موقع ݙیسی۔

وفاقی وزیر اطلاعات و نشریات مرتضیٰ سولنگی ݙوہاں کورسز دے شرکاء اچ اسناد ونݙین۔ ایڈیشنل سیکرٹری اطلاعات و نشریات سید مبشر توقیر شاہ اتے ایم ڈی ایسوسی ایٹڈ پریس آف پاکستان محمد عاصم کھچی سودھا وزارت اطلاعات و نشریات دے سینئر افسران وی موجود ہن۔