سیکورٹی فورسز پاک افغان بارڈر توں دراندازی دی کوشش، فائرنگ اچ 3 دہشتگرد ماری ڳن، آئی ایس پی آر

راولپنڈی۔31دسمبر(اے پی پی):سیکورٹی فورسز پاک افغان بارڈر نال دراندازی دی کوشش اچ فائرنگ دے تبادلے اچ 3 دہشت گرداں کوں ہلاک کیتا ڳئے۔ ہک ٻئی کارروائی اچ دہشتگرداں کوں وݙا نقصان چاوݨا پئے ڄݙاں جو پاک فوج دے نائیک عبدالروئوف شہادت پاتی۔ آئی ایس پی آر آکھیے جو 3 دہشت گرداں ضلع باجوڑ دے علاقہ بٹوار اچ پاکستان افغانستان سرحد تے دراندازی دی کوشش کیتی جیکوں سیکورٹی فورسز قابو کرڳھدے۔ فائرنگ اچ تریے دہشتگرداں کوں مار ݙتا ڳئے۔ دہشتگرداں توں بھاری مقدار اچ اسلحہ اتے گولہ بارود برآمد کرڳھدے۔ ہک ٻئے واقعہ اچ افغانستان توں دہشتگرداں نارتھ وزیرستان دے علاقہ سپن وام اچ پاکستانی بارڈر پوسٹ تے فائرنگ کیتی جیندا سیکورٹی فورسز ودھ ولدا ݙتا اتے دہشتگرداں کوں وݙا نقصان پچائے۔ فائرنگ نال رحیم یار خان دے رہائشی 31 سالہ نائیک عبدالرئوف شہید تھئین۔