ملک دی تاریخ اچ پہلی واری 10 اتے 11 جنوری کوں گلوبل ہیلتھ سکیورٹی سمٹ کرویندے پئیوں، نگران وفاقی وزیر صحت

اسلام آباد۔2جنوری  (اے پی پی) نگران وفاقی وزیر صحت ڈاکٹر ندیم جان آکھیا جو صحت دے نظام اچ شفافیت اتے جدت دا منڈھ بدھ ݙتے، پاکستان دنیا دے گلوبل سکیورٹی ایجنڈے کوں لیڈ کریندا پئے۔ ملک دی تاریخ اچ پہلی واری 10 اتے 11 جنوری کوں گلوبل ہیلتھ سکیورٹی سمٹ کرویندے پئیوں۔ منگل کوں وزارت صحت توں جاری بیان موجب انہاں آکھیا جو گزریل سال اچ جڈاں میں وزارت دا قلمدان سنبھالیا تاں صحت دے شعبے کوں کئی چیلنجز ہن۔ اساں صحت دے شعبے اچ ہنگامی بنیاداں تے اصلاحات تیز کم کرݨ شروع کیتا۔ انہاں آکھیا جو صحت دے نظام اچ شفافیت اتے جدت دا منڈھ بدھ ݙتے، پاکستان دنیا دے گلوبل سکیورٹی ایجنڈے کوں لیڈ کریندا پئے۔