پاݨی دے ضیاع دا مسئلہ حل کرݨ کیتے عوام کوں شعور ݙیوݨ دی لوڑھ اے، نگران وفاقی وزیر برائے پارلیمانی امور

اسلام آباد۔2جنوری  (اے پی پی) نگران وفاقی وزیر برائے پارلیمانی امور مرتضیٰ سولنگی آکھیا جو پاݨی دے ضیاع دا مسئلہ حل کرݨ کیتے عوام کوں شعور ݙیوݨ دی لوڑھ اے۔ گزریل ہک سال اچ اسلام آباد اچ ترائے فلٹریشن پلانٹ لاتے ڳئن۔ منگل کوں سینیٹ اجلاس اچ سوالاں دے وقفے اچ سینیٹر مشتاق احمد، سینیٹر مہر تاج روغانی اتے ٻئے ارکان دے سوال دے ولدے اچ انہاں آکھیا جو اسلام آباد دے مختلف علاقیاں اچ پیوݨ دے صاف پاݨی دا مسئلہ اے جئیں کوں حل کرݨ کیتے کم کریندے پئیوں۔ پاݨی دے ضیاع دا مسئلہ حل کرݨ کیتے عوام کوں شعور ݙیوݨ دی لوڑھ اے۔