کشمیری عوام اقوام متحدہ دی سلامتی کونسل دی قرارداداں دے مطابق تنازعہ کشمیر دے پرامن حل دے منتظر ہن،سلامتی کونسل آپݨے وعدے پورے کرے، مرتضیٰ سولنگی

اسلام آباد۔5جنوری  (اے پی پی) نگران وفاقی وزیر اطلاعات، نشریات تے پارلیمانی امور مرتضیٰ سولنگی آکھیا جو کشمیری عوام اقوام متحدہ دی سلامتی کونسل دی قرارداداں دے مطابق تنازعہ کشمیر دے پرامن حل دے منتظر ہن،سلامتی کونسل آپݨے وعدے پورے کرے۔ پاکستان کشمیری عوام دی جائز حق ملݨ اتے جدوجہد آزادی دی کامیابی تئیں سیاسی، سفارتی اتے اخلاقی حمایت کریندا رہسی۔ جمعے کوں یوم حق خود ارادیت کشمیر دے موقع تے آپݨے سنیھے اچ وفاقی وزیر اطلاعات آکھیا جو کنٹرول لائن دے ݙوہیں پاسوں اتے پوری دنیا اچ کشمیری عوام اڄ یوم حق خودارادیت منیندے پئن۔  اقوام متحدہ دی سلامتی کونسل 5 جنوری 1949ءکوں اڄ دے ݙینھ قرارداد نال کشمیری عوام کوں اے حق ݙتا ہئی جو او آپݨی مرضی دے مطابق آپݨے مستقبل دا فیصلہ کر سڳدن۔ اڄ کشمیری عوام نال کیتے ڳئے وعدے کوں 75 سال تھی ڳئن پر افسوس اڄ تئیں وعدہ پورا نی تھیا۔ انہاں آکھیا جو اڄ دے ݙینھ اساں اعادہ کریندوں جو پاکستان کشمیری عوام دی جائز حق ملݨ اتے جدوجہد آزادی دی کامیابی تئیں سیاسی، سفارتی اتے اخلاقی حمایت کریندا رہسی۔