باجوڑ،بم دھماکےاچ5پولیس اہلکار شہید ، 22 زخمی تھی ڳئے

باجوڑ۔8جنوری  (اے پی پی) باجوڑ دی تحصیل ماموند دے علاقہ بیلو ٹ فراش  اچ سنوار دی سویل سڑک دے کنارے لڳیے بم دھماکے اچ پنج پولیس اہلکار شہید اتے 22 زخمی تھی ڳئے۔ پولیس موجب اے پولیس اہلکار پولیو ویکسی نیشن ٹیماں کوں سکیورٹی ݙیوݨ ویندے پئے ہن۔ پولیس موجب شہیداں دی نعشاں اتے زخمیاں کوں فوری خار ہسپتال پڄا ݙتا ڳئے اتے ہسپتال اچ ایمرجنسی لا ݙتی ڳئی اے۔ ہسپتال دے عملے دے مطابق زخمیاں کوں کئی دی حالت تشویشناک اے جئیں پاروں مرݨ آلیاں دی تعداد ودھ سڳدی اے۔ خار ہسپتال انتظامہ مقامی لوکاں توں خون دے عطیات دی اپیل کیتی اے۔ رپورٹ موجب شہید اتے زخمی تھیوݨ آلے سارے پولیس اہلکار ہن۔