نگران وزیراعلیٰ پنجاب چلڈرن ہسپتال ملتان دے نویں ایمرجنسی بلاک دا افتتاح کر ݙتے

ملتان۔ 16 جنوری (اے پی پی) نگران وزیراعلیٰ پنجاب چلڈرن ہسپتال ملتان دے نویں ایمرجنسی بلاک دا افتتاح کر ݙتے۔ میڈیا تے الیندے انہاں آکھیا جو پنجاب حکومت عوامی خدمت کیتے ردھی ہوئی اے، جنوبی پنجاب اچ صحت دے مسائل حل کرݨ ساݙی ترجیح اے، چلڈرن ہسپتال دے مسائل دے حل کرݨ ہک چیلنج ہا ڄیکوں محکمہ ہیلتھ اتے چائلڈ لائف بہترین انداز اچ مکمل کیتے، ہݨ اتھاں ٻالاں دا اعلاج ترجیحی بنیاد تے تھیسی۔ انہاں آکھیا جو ملتان دا چلڈرن ہسپتال سہولیات نال لاہور دے چلڈرن ہسپتال توں وی چنڳاں تھی ڳئے۔ محسن نقوی آکھیا جو پنجاب دا چوتھا بزنس سہولت سنٹر ملتان اچ ٻݨائے جتھاں کاروباری افراد کوں صوبائی و وفاقی محکمیاں دے کاؤنٹرز تے 124 این او سیز دا اجراء صرف 14 ݙینھ اچ تھی سڳسی، ملتان اچ ٻݨݨ الا نشتر ٹو ہسپتال وی ہک مہینے اچ فعال کرݙتا ویسی۔ ایں توں پہلے انہاں شجاع آباد فلائی اوور اتے نادرآباد فلائی اوور منصوبے دا جائزہ ڳھدے۔ نگران وزیراعلی شجاع آباد توں جلال پور اتے بستی ملوک تئیں 3 وݙیاں سڑکاں دا وی افتتاح کیتے۔