اسلام آباد۔17جنوری (اے پی پی):صدر مملکت ڈاکٹر عارف علوی وفاقی محتسب دا فیصلہ برقرار رکھیندے ہوئیں آئیسکو کوں بجلی کنکشن تنصیب اچ تاخیر تے شکایت کنندہ کوں 139,000 روپے واپسی دی ہدایت کرݙتی ۔آئیسکو حاجی اختر رحیم کوں لاڳت اچ ودھارے دی وجہ توں غیر منصفانہ طور تے بجلی کنکشن سانڳے اضافی ڈیمانڈ نوٹس جاری کیتا ہئی ۔ ایوان صدر دے پریس ونگ موجب حاجی اختر رحیم ٹرانسفارمر اتے …
وفاقی محتسب دا فیصلہ برقرار ، صدر مملکت دی آئیسکو کوں بجلی کنکشن تنصیب اچ تاخیر تے شکایت کنندہ کوں رقم واپسی دی ہدایت
اسلام آباد۔17جنوری (اے پی پی):صدر مملکت ڈاکٹر عارف علوی وفاقی محتسب دا فیصلہ برقرار رکھیندے ہوئیں آئیسکو کوں بجلی کنکشن تنصیب اچ تاخیر تے شکایت کنندہ کوں 139,000 روپے واپسی دی ہدایت کرݙتی ۔آئیسکو حاجی اختر رحیم کوں لاڳت اچ ودھارے دی وجہ توں غیر منصفانہ طور تے بجلی کنکشن سانڳے اضافی ڈیمانڈ نوٹس جاری کیتا ہئی ۔ ایوان صدر دے پریس ونگ موجب حاجی اختر رحیم ٹرانسفارمر اتے بجلی کنکشن سانڳے آئیسکو کوں درخواست ݙتی ہئی ، شکایت کنندہ کوں متعلقہ سامان دی قیمت سودھے 305,656 روپے دا ڈیمانڈ نوٹس جاری کیتا ڳئے ،شہری رقم جمع کرائی ، وختی کنکشن لاوِ دہ بجائے قیمت ودھݨ دی وجہ توں اضافی ڈیمانڈ نوٹس جاری کر ݙتا ڳیا ۔شہری ڈیمانڈ نوٹس واپس گھنݨ سانڳے آئیسکو نال رجوع کیتا مگر ریلیف نہ ݙتا ڳیا ۔شہری شکایت دے ازالے سانڳے وفاقی محتسب نال رابطہ کیتا ، جیں شہری دے حق اچ فیصلہ ݙتا۔آئیسکو محتسب دے فیصلے دے خلاف صدر مملکت کنے درخواست دائر کیتی۔کیس دی ذاتی سماعت ، ریکارڈ ݙیکھݨ دے بعد صدر مملکت آئیسکو کوں رقم واپسی دی ہدایت کیتی ۔ صدر مملکت آکھیے آئیسکو 30 ݙینھ اندر بجلی کنکشن نہ لاتے آپݨے ہی طریقہ کار دی خلاف ورزی کیتی،آئیسکو 30 ݙینھ اچ کنکشن لاوݨ دا پابند اے ، تنصیب اچ 7 مہینے دیر کیتی ۔
