اسلام آباد۔17جنوری(اے پی پی)پاکستان سرحدی خلاف ورزی تے ایران دے سفیر کوں ملک بدر کرݨ اتے ایران توں اپݨا سفیر ولا سݙݨ دا اعلان کیتے۔ ترجمان دفتر خارجہ ممتاز زہرہ بلوچ ہک بیان اچ آکھیے جو راتی ایران پاکستان دی خودمختاری دی بلا اشتعال اتے کھلم کھلا خلاف ورزی کیتی اے ڄیڑھی بین الاقوامی قانون اتے اقوام متحدہ دے چارٹر دے مقاصد اتے اصولاں دی خلاف ورزی اے۔ اے غیر …
پاکستان دا سرحدی خلاف ورزی تے ایران دے سفیر کوں ملک بدر، ایران توں اپݨا سفیر سݙݨ دا اعلان
اسلام آباد۔17جنوری(اے پی پی)پاکستان سرحدی خلاف ورزی تے ایران دے سفیر کوں ملک بدر کرݨ اتے ایران توں اپݨا سفیر ولا سݙݨ دا اعلان کیتے۔ ترجمان دفتر خارجہ ممتاز زہرہ بلوچ ہک بیان اچ آکھیے جو راتی ایران پاکستان دی خودمختاری دی بلا اشتعال اتے کھلم کھلا خلاف ورزی کیتی اے ڄیڑھی بین الاقوامی قانون اتے اقوام متحدہ دے چارٹر دے مقاصد اتے اصولاں دی خلاف ورزی اے۔ اے غیر قانونی عمل بالکل ناقابل قبول اے جیندا کوئی جواز کائنی، پاکستان ایندا ولدا ݙیوݨ دا حق رکھدے، نتائج دی ذمہ داری آپ ایران تے پوندی اے۔ انہاں آکھیے جو اساں اپݨا سنیہا ایرانی حکومت کوں پچا ݙتے اتے ݙسائے جو پاکستان ایران توں اپݨا سفیر سݙݨ دا فیصلہ کیتے اتے پاکستان اچ ایرانی سفیر ڄیڑھے ایران دے دورے تے ہین انہاں کوں وی حالی نا ولݨ دا آکھیے، اساں سارے اعلیٰ سطح دورے معطل کریندے پئے ہیں ڄیڑھے ݙوہاں ملکاں وچال تھیوݨے ہن۔
