اسلام آباد۔22جنوری (اے پی پی):حکومت پاکستان 8 فروری 2024 کوں پورے ملک اچ تھیوݨ آلے عام انتخابات دی کوریج سانڳے غیر ملکی میڈیا کوں اجازت نامے جاری کرݙتن ۔ پریس انفارمیشن ڈیپارٹمنٹ توں سنوار کوں جاری پریس ریلیز موجب حکومت پاکستان دی طرفوں پہلے مرحلے اچ 13 ملکاں دے 49 غیر ملکی صحافیاں کوں الیکشن دی کوریج سانڳے اجازت نامے جاری کیتے ڳئن ۔ جنھاں ملکاں دے صحافیاں کوں …
حکومت پاکستان انتخابات 2024 دی کوریج سانڳے 49 غیر ملکی صحافیاں کوں اجازت نامے جاری کرݙتن
اسلام آباد۔22جنوری (اے پی پی):حکومت پاکستان 8 فروری 2024 کوں پورے ملک اچ تھیوݨ آلے عام انتخابات دی کوریج سانڳے غیر ملکی میڈیا کوں اجازت نامے جاری کرݙتن ۔ پریس انفارمیشن ڈیپارٹمنٹ توں سنوار کوں جاری پریس ریلیز موجب حکومت پاکستان دی طرفوں پہلے مرحلے اچ 13 ملکاں دے 49 غیر ملکی صحافیاں کوں الیکشن دی کوریج سانڳے اجازت نامے جاری کیتے ڳئن ۔ جنھاں ملکاں دے صحافیاں کوں اجازت نامے جاری کیتے ڳئن انہاں اچ چین، جاپان، امریکا، برطانیہ، کینیڈا، ہانگ کانگ، سربیا، سویڈن، فرانس، جرمنی، آسڑیلیا، تھائی لینڈ اتے سنگاپور شامل ہن۔ غیر ملکی مبصرین دی طرفوں درخواستاں جمع کراوݨ دی چھیکڑی تاریخ 20 جنوری 2024 ہئی۔ الیکشن کمیشن 2 لکھ ایکریڈیشن کارڈز چھاپئن ، ایں توں انڄ یورپی یونین، کامن ویلتھ ملکاں دے وفد وی الیکشن دا مشاہدہ کرݨ سانڳے آسن ۔
