اسلام آباد۔24جنوری (اے پی پی) ملک اچ گیس تے تیل دی ڳول کیتے چینی کمپنیاں سودھے اٹھ کمپنیاں معاہدیاں تے دستخط کر ݙتن۔ بدھ کوں تقریب اچ نگران وفاقی وزیر توانائی محمد علی ، سیکرٹری توانائی اتے مختلف کمپنیاں دے مینجنگ ڈائریکٹرز شریک تھیے۔ معاہدیاں توں مجموعی طور 43ملین ڈالر دی سرمایہ کاری تھیسی اتے انہاں معاہدیاں دا مقصد خصوصی سرمایہ کاری کونسل سہولت کونسل دے تحت توانائی دے بحران …
ملک اچ گیس تے تیل دی ڳول کیتے چینی کمپنیاں سودھے اٹھ کمپنیاں معاہدیاں تے دستخط کر ݙتن
اسلام آباد۔24جنوری (اے پی پی) ملک اچ گیس تے تیل دی ڳول کیتے چینی کمپنیاں سودھے اٹھ کمپنیاں معاہدیاں تے دستخط کر ݙتن۔ بدھ کوں تقریب اچ نگران وفاقی وزیر توانائی محمد علی ، سیکرٹری توانائی اتے مختلف کمپنیاں دے مینجنگ ڈائریکٹرز شریک تھیے۔ معاہدیاں توں مجموعی طور 43ملین ڈالر دی سرمایہ کاری تھیسی اتے انہاں معاہدیاں دا مقصد خصوصی سرمایہ کاری کونسل سہولت کونسل دے تحت توانائی دے بحران تے قابو پاوݨ اتے ذخائر ودھاوݨ اے۔ معاہدیاں دے تحت بلوچستان اچ ترائے، سندھ اچ چار اتے پنجاب اچ ہک ڄاہ تے تیل تے گیس دی ڳول کیتی ویسی۔ تیل تے گیس دے شعبیاں اچ سرمایہ کاری ودھاوݨ دے وژن دے تحت معاہدیاں کوں سو ملین ڈالر تئیں ودھایا ویسی۔
