جمہوری نظام عوام سانڳے ہے تے عوام کنے منتخب نمائندیں کوں جوابدہ بݨاوݨ دا اختیار ہووݨا چاہیدے ، وفاقی وزیر اطلاعات مرتضیٰ سولنگی دا پریس انفارمیشن ڈیپارٹمنٹ دے زیر اہتمام منعقدہ سیمینار توں خطاب

اسلام آباد۔25جنوری  (اے پی پی):نگران وفاقی وزیر اطلاعات، نشریات و پارلیمانی امور مرتضیٰ سولنگی آکھیے آئین دے تحت پاکستان وفاقی پارلیمانی جمہوری ملک اے اتے قوم دا اجتماعی اتفاق اے جو ملک وفاقی پارلیمانی جمہوری نظام دے تحت ہی چلسی ، نظام اچ بہتری دی گنجائش ہمیشہ موجود رہندی اے جمہوریت دا نظام عوام سانڳے ہے تے عوام کنے منتخب نمائندیں کوں جوابدہ بݨاوݨ دا اختیار ہووݨا چاہیدے ، ریاستی عملداری نال سوشل میڈیا تے بے بنیاد پروپیگنڈے دا مقابلہ کیتا ویندا پئے۔ اے ڳالھ انہاں خمیس کوں اتھاں پریس انفارمیشن ڈیپارٹمنٹ (پی آئی ڈی) دے زیر اہتمام ”انتخابی ضابطہ اخلاق : میڈیا سودھے سٹیک ہولڈرز دا اخلاقی طرز عمل“ دے موضوع تے سیمینار توں خطاب کریندے ہوئیں آکھی اے ۔ سیمینار اچ وفاقی سیکریٹری اطلاعات و نشریات شاہیرہ شاہد، پرنسپل انفارمیشن آفیسر ڈاکٹر طارق محمود خان، وزارت اطلاعات اتے ایندے نال جڑیے ملحقہ اداریں دے حکام وی موجود ہن ۔ وفاقی وزیر اطلاعات انتخابی عمل بارے مثبت عوامی رویہ تشکیل ݙیوݨ دی لوڑھ تے زور ݙیندے ہوئیں آکھیے جو الیکشن کمیشن میڈیا سانڳے ھک ضابطہ اخلاق جاری کیتے جیڑھا جو  اردو اتے انگریزی ݙوہیں زباناں اچ موجود اے ، مین سٹریم میڈیا بشمول ٹی وی چینلز اتے اخبارات اپݨے نیوز رومز اچ ایں ضابطہ اخلاق کوں ضرور رکھن تے آپݨے اینکرز اتے رپورٹرز کوں وی ݙیون ، جے ایں ضابطہ اخلاق بارے کوئی سوال ہن تاں او الیکشن کمیشن توں پچھیے ونڄ سڳدن ۔ انہاں آکھیے 8 فروری 2024  خمیس دے ݙینھ عام انتخابات تھیندے پئن، انتخابات دے حوالے نال ٻہوں سارے لوکاں ، غلط فہمیاں اتے غلط معلومات ݙیوݨ دی کوشش کیتی کہیں کوں ٹھڈے موسم تے کہیں کوں سکیورٹی دی وجہ توں الیکشن ملتوی نظر آئے۔ انہاں آکھیے17 اگست 2023 دے بعد توں نگران حکومت دا مسلسل ایہو موقف رہیے جو انتخابات الیکشن کمیشن دی ݙتی ڳئی تاریخ تے تھیسن جݙاں انتخابات دی تاریخ دا اعلان تھئے تاں ایندے بعد ہر فلور تے  مستقل مزاجی نال وفاقی حکومت دا موقف پیش کیتے جو انتخابات 8 فروری 2024 کوں تھیسن ۔