اسلام آباد۔25جنوری(اے پی پی)نگران وفاقی وزیر تجارت، صنعت، سرمایہ کاری و داخلہ ڈاکٹر گوہر اعجاز نال پاکستان اچ قازقستان دے سفیر یرزان کستافین ملین۔ انہاں علاقائی روابط، ݙوطرفہ تجارت سودھا ݙوہاں ملکاں وچال لاجسٹکس سانڳے ہتھ ونݙاوݨ تے الائے۔ نگران وفاقی وزیر تجارت ڈاکٹر گوہر اعجاز آکھیا جو’’ذرائع نقل و حمل دے بغیر تجارت ناممکن اے‘‘۔ قازقستان دے سفیر یرزان کستافین پاکستان نال اقتصادی تعلقات تکڑے کرݨ دا عزم دوہریندے …
نگران وفاقی وزیر ڈاکٹر گوہر اعجاز نال قازقستان دے سفیر یرزان کستافین دی ملاقات
اسلام آباد۔25جنوری(اے پی پی)نگران وفاقی وزیر تجارت، صنعت، سرمایہ کاری و داخلہ ڈاکٹر گوہر اعجاز نال پاکستان اچ قازقستان دے سفیر یرزان کستافین ملین۔ انہاں علاقائی روابط، ݙوطرفہ تجارت سودھا ݙوہاں ملکاں وچال لاجسٹکس سانڳے ہتھ ونݙاوݨ تے الائے۔ نگران وفاقی وزیر تجارت ڈاکٹر گوہر اعجاز آکھیا جو’’ذرائع نقل و حمل دے بغیر تجارت ناممکن اے‘‘۔ قازقستان دے سفیر یرزان کستافین پاکستان نال اقتصادی تعلقات تکڑے کرݨ دا عزم دوہریندے آکھیا جو قازقستان دے وزیر تجارت آندے مہینے پاکستان آسن تاں جو ݙوطرفہ تجارت اتے اقتصادی و سرمایہ کاری دے تعلقات کوں اڳو تے ٹوریا ونڄے، ݙوہاں ملکاں ڈیجیٹل مارکیٹنگ اتے ای کامرس دے شعبیاں اچ مفاہمت دی یادداشت تے غور کیتے، قازقستان توں پاکستان براہ راست پروازاں رمضان دے بعد ول شروع تھی ویسن، پاکستانی کاروباری طبقے کوں ای ویزا، سوکھا ویزا اتے کاروباری روابط دے منصوبیاں تے عمل کیتا ویسی۔
