عام انتخابات 2024 اچ ضابطہ اخلاق دی خلاف ورزیاں تے الیکشن کمیشن دی مانیٹرنگ ٹیماں دے کئی امیدواراں کوں جرمانے

اسلام آباد۔26جنوری  (اے پی پی) عام انتخابات 2024 اچ ضابطہ اخلاق دی خلاف ورزیاں تے الیکشن کمیشن دی مانیٹرنگ ٹیماں کئی امیدواراں کوں جرمانے اتے نوٹس جاری کیتن ۔ترجمان الیکشن کمیشن ݙسائے جو ضابطہ اخلاق دی خلاف ورزی تے ڈسٹرکٹ مانیٹرنگ آفیسر مردان این اے 23 دے امیدوار عاقب اسماعیل کوں 50 ہزار روپے، ڈسٹرکٹ مانیٹرنگ افسر بنوں پی دے 99 توں اے این پی دے امیدوار نورانی خان کوں 10 ہزار روپے اتے ڈسٹرکٹ مانیٹرنگ افسر مانسہرہ پی کے 39 دے امیدوار اکرام اللہ غازی کوں 10 ہزار روپے جرمانہ لاتے ۔امیدواراں جرمانہ سرکاری خزانہ اچ جمع کرتے چالان پیش کرݙتا۔ایں توں انڄ پنجاب اچ ڈسٹرکٹ مانیٹرنگ آفیسر ملتان امیدوار پی پی 214 شہزاد مقبول بھٹہ تے محمد شریف راجپوت  کوں 15 ہزار فی کس جݙاں جو ڈسٹرکٹ مانیٹرنگ آفیسر لیہ امیدوار پی پی 282 اسامہ گجر کوں 20           ہزار جرمانہ لاتے۔ایندے نال ہی چارے صوبیں تے اسلام آباد اچ ممنوعہ تشہیری ہورڈنگز اتے مواد وی روزانہ دی بنیاد تے ہٹایا ویندا پئے ایں توں انڄ مختلف ضلعیں اچ ڈسٹرکٹ مانیٹرنگ آفیسرز ضابطہ اخلاق دی خلاف ورزی تے 7 امیدواراں کوں بذریعہ نوٹسز سݙ ڳھدے تاں جو قانون دے مطابق مزید کارروائی عمل اچ گھن آئی ونڄ سڳے