لاہور۔26جنوری(اے پی پی) نگران وفاقی وزیر قومی ورثہ و ثقافت جمال شاہ آکھیے جو علامہ محمد اقبال دے افکار تے عمل کرݨ دی پہلے توں زیادہ لوڑھ اے ،پاکستان دا قیام علامہ اقبال دے فکری اجتہاد دا نتیجہ اے، حکومت قومی ورثہ دے تحفظ سانڳے سارے اقدامات کریندی پئی اے ،اقبال اکادمی نینگر نسل اچ اقبال دے افکار کوں ودھارا ݙیوݨ اچ بخوبی کردار ادا کریندی پئی اے۔ اے …
قومی ادارہ اقبال اکیڈمی کوں مزید مضبوط و فعال ݙیکھݨ چاہندن ،حکومت ہر قسم دا تعاون کریسی، جمال شاہ
لاہور۔26جنوری(اے پی پی) نگران وفاقی وزیر قومی ورثہ و ثقافت جمال شاہ آکھیے جو علامہ محمد اقبال دے افکار تے عمل کرݨ دی پہلے توں زیادہ لوڑھ اے ،پاکستان دا قیام علامہ اقبال دے فکری اجتہاد دا نتیجہ اے، حکومت قومی ورثہ دے تحفظ سانڳے سارے اقدامات کریندی پئی اے ،اقبال اکادمی نینگر نسل اچ اقبال دے افکار کوں ودھارا ݙیوݨ اچ بخوبی کردار ادا کریندی پئی اے۔ اے ڳالھ انہاں ایوان اقبال اچ اقبال اکیڈمی آف پاکستان دے 60 ویں گورننگ باڈی دے اجلاس دی صدارت کریندے ہوئیں آکھی ۔ایں موقع تے گورننگ باڈی دے ممبران سینیٹر ولید اقبال پروفیسر ڈاکٹر ضیا الحق، ڈی جی آئی آر آئی سید شوکت امین شاہ، خزانچی ڈاکٹر عبدالرزاق صابر، وی سی یونیورسٹی آف گوادر، نوید خالد، ڈی ایس این ایچ اینڈ سی ڈی، ڈاکٹر عبدالعظیم، ڈی جی آئی آر آئی۔ ڈوم، مسٹر صحبت علی تالپور، جے ایس، فنانس ڈویژن تے ڈائریکٹر اقبال اکیڈمی پاکستان عبدالرؤف رفیقی وی موجود ہن۔وفاقی وزیر آکھیے ساݙے نینگر قومی اثاثہ ہن ،علامہ اقبال نینگراں کوں شاہین آکھ تے مخاطب کیتا،نینگراں کوں چاہیدے جو و علامہ اقبال کوں سامݨے رکھیندے ہوئیں آپݨی زندگی گزارن۔اقبال اکیڈمی دے کردار دے حوالے نال ڳالھ کریندے ہوئیں وفاقی وزیر آکھیے امید اے جو گورننگ باڈی دے ممبران دی رہنمائی تے سفارشات اقبال اکادمی پاکستان کوں نینگر نسل اچ اقبال دے کماں تے پیغامات کوں ودھارا ݙیوݨ دے آپݨے مشن کوں اڳوں ودھاوݨ اچ معاون ثابت تھیسن ۔
