الیکشن کمیشن عام انتخابات کیتے حتمی پولنگ سکیم جاری کرݙتی

اسلام آباد۔26جنوری(اے پی پی):الیکشن کمیشن 8 فروری دے عام انتخابات کیتے حتمی پولنگ سکیم جاری کر ݙتی اے۔ الیکشن کمیشن قومی اسمبلی دے 266، پنجاب اسمبلی دی 297، سندھ اسمبلی دی 130، خیبرپختونخوا اسمبلی دی 115 اتے بلوچستان اسمبلی دیاں 51 جنرل نشستاں دی حتمی پولنگ سکیم جاری کیتی اے۔ انہاں نشستاں تے 8 فروری کوں پورے ملک اچ 12 کروڑ 85 لکھ توں ودھ ووٹرز آندے پنڄ سال کیتے اپݨے نمائندے چݨسن۔