محفوظ خون بیماریاں توں بچائو اچ مددگار اے، صدر مملکت ڈاکٹر عارف علوی

کراچی۔27 جنوری (اے پی پی):صدر مملکت ڈاکٹر عارف علوی آکھیے جو ملک اچ بیماریاں تے قابو پاوݨ کیتے احتیاطی تدابیر دی لوڑھ اے، انڈس ہسپتال اتے ہیلتھ نیٹ ورک اچ بلڈ بینک ٻݨاوݨ، بلڈ بینکنگ اچ ایسوسی ایشن فار ایڈوانسمنٹ آف بلڈ اینڈ بائیو تھراپیز (اے اے پی پی) توں ایندی منظوری دی تعریف کریندے انہاں آکھیا جو اے سنگ میل محفوظ انتقال خون دی مدد نال بیماریاں توں بچائو اچ ہتھ ونݙا سڳدے۔ کراچی اچ ایکریڈیٹیشن دی تقریب نال خطاب کریندے انہاں آکھیا جو لوکاں کوں صحت دے مسلے جیویں غذائی قلت، موٹاپا، دماغی صحت اتے چھاتی دے کینسر دا سامݨا اے، ملک اچ محفوظ خون دی قلت اے ایں سانڳے ڈونرز کوں اڳو آوݨا ہوسی، اعضا دا عطیہ ݙیوݨ، ڈاکٹراں اتے صحت نال جڑیے لوک صحت دے بہترین نظام کیتے سیاست اچ حصہ ڳھنن۔ ایں موقع تے انڈس ہسپتال اتے ہیلتھ نیٹ ورک دے صدر ڈاکٹر عبدالباری خان ادارے دے نیٹ ورک، ایندی کارکردگی اتے کامیابیاں تے بریفنگ ڈتی۔ ایں توں پہلے صدر مملکت ڈاکٹر عارف علوی بلڈ ٹرانسفیوژن سروسز دے مختلف شعباں دا دورہ کیتے۔