وزیراعظم وفاقی وزیراں ، مشیراں ،معاونین خصوصی ، وفاقی اداریاں دے افسراں کوں ٻاہرلے ملک دوریاں دی موکل واپسی ڳھن ڳھدی

اسلام آباد۔29جنوری  (اے پی پی) وزیراعظم انوار الحق کاکڑ وفاقی وزیراں ، مشیراں ،معاونین خصوصی ، وفاقی اداریاں دے افسراں کوں ٻاہرلے ملک دوریاں دی موکل واپسی ڳھن ڳھدی اے، وزیراعظم ہدایت کیتی اے جو الیکشن دا عمل پورا تھیوݨ تئیں کہیں کوں وی غیر ملکی دورے کیتے ایکس پاکستان لیو نہ ݙتی ونڄے۔ کابینہ ڈویژن توں سنوار کوں جاری تھیوݨ آلے نوٹیفیکیشن موجب وزیراعظم وفاقی وزیراں ، مشیراں ،معاونین خصوصی ، وفاقی اداریاں دے افسراں بشمول ماتحت اداے ، خودمختار اداریاں کوں ݙتی ڳئی غیر ملکی سرکاری یا نجی دوریاں دی موکل واپسی ڳھن ڳھدی اے۔