عام انتخابات دے انعقاد دیاں تیاریاں تکھے توڑ پڄݨ دے مرحلے وچ ہن ،الیکشن کمیشن

اسلام آباد۔29جنوری(اے پی پی) 8فروری 2024ء دے عام انتخابات دیاں تیاریاں تکھے توڑ پجݨ دے مرحلے وچ ہن ،بیلٹ پیپر دی چھپائی دا کم ترائے سرکاری پریس اداریں اچ تسلی بخش طریقے نال تھیندا پئے جیڑھا جو 2 فروری تئیں مکمل تھیوݨ دی توقع اے ۔ الیکشن کمیشن توں جاری اعلامیہ موجب آر او دی طرفوں انتخابی نشان دی الاٹمنٹ دے بعد بیلٹ پیپرز دی چھپائی دا کم  16 جنوری توں شروع تھیا ہئی جیڑھا جو اگلے 4 ݙینھ  2فروری  تئیں مکمل تھی ویسی ۔ ایندے نال سکیورٹی اداریں،آراو اتے ڈسٹرکٹ ایڈ منسٹریشن دی مدد نال بیلٹ پیپر دی ڈیلیوری دا کم چارے صوبیں سانڳے شروع تھی چکیے ۔ اے ترسیل سڑک اتے ہوائی ݙوہیں ذریعے نال کیتی ویندی پئی اے۔ ایں توں انڄ سنوار 29 جنوری توں 8300 ایس ایم ایس سروس دے ذریعے عوام الناس کوں ٻئی معلومات دے علاوہ اپݨے پولنگ سٹیشن دی معلومات گھنݨ دی سہولت وی ݙتی ڳئی اے ۔ ووٹرز کوں اپݨے ووٹ دی معلومات  گھنݨ سانڳے اپݨا شناختی کارڈ نمبر 8300 تے بھیڄݨا ہوسی۔ سارے ووٹرز  اپݨے اتے گھر آلیں دے ووٹ دی تفصیل وختی گھن سڳسن تاں جو پولنگ سٹیشن اچ انہاں کوں کہیں اوکھ دا سامݨا نہ کرݨا پووے ۔ ایں توں انڄ الیکشن کمیشن ہݨ تئیں 9 لکھ76 ہزار درکار پولنگ عملے اچوں 9 لکھ 70 ہزار پولنگ عملے دی تربیت مکمل کر ڳھدی جیڑھی جو کل درکار تعداد دا 96 فیصد بݨِدی اے۔