سپریم کورٹ آزاد امیدوار ملک عمر فاروق کوں این اے 99 اتے پی پی 107 توں آندے عام انتخابات اچ حصہ گھنݨ دی اجازت ݙے ݙتی

اسلام آباد۔30جنوری(اے پی پی) سپریم کورٹ لاہور ہائیکورٹ دے فیصلے کوں کالعدم قرار ݙیندے ہوئیں آزاد امیدوار ملک عمر فاروق کوں آندے عام انتخابات اچ حصہ گھنݨ دی اجازت ݙے ݙتی اے ۔ سپریم کورٹ اچ جسٹس منیب اختر دی سربراہی اچ ترائے رکنی بینچ قومی اسمبلی دے حلقہ این اے-99 اتے پنجاب اسمبلی دے حلقہ پی پی-107 فیصل آباد توں انتخابی عذرداری کیس دی سماعت کیتی۔ سپریم کورٹ لاہور ہائی کورٹ دے فیصلہ کوں کالعدم قرار ݙیندے ہوئیں آزاد امیدوار ملک عمر فاروق کوں انتخابات اچ حصہ گھنݨ دی اجازت ݙتی اے۔ واضح رہے ملک عمر فاروق این اے-99 اتے پی پی-107 توں کاغذات نامزدگی جمع کرائے ہن۔