وزیر اعظم دے معاون خصوصی جواد سہراب ملک دی بلوچستان اچ صنعتی اتے کان کنی ورکرز سانڳے 1.8 ارب روپے دے لینڈ مارک فلاحی منصوبے دی گھنڈ کھلائی

اسلام آباد۔4فروری(اے پی پی) وزیر اعظم دے معاون خصوصی سمندر پار پاکستانیز و ترقی انسانی وسائل جواد سہراب ملک بلوچستان اچ صنعتی اتے کان کنی ورکرز سانڳے 1.8 ارب روپے دے لینڈ مارک فلاحی منصوبے دی گھنڈ کھلائی کیتی اے۔  پریس انفارمیشن ڈیپارٹمنٹ دی طرفوں اتوار کوں جاری تفصیل موجب ایں موقع تے جواد سہراب ملک آکھیے تعلیمی اتے ہاؤسنگ پراجیکٹس دا افتتاح، بلوچستان دے محنت کشاں سانڳے ھک نویں دور دی نشاندہی کریندے ۔ انہاں آکھیے اڄ بلوچستان دی افرادی قوت کوں بااختیار بݨاوݨ سانڳے 1.8 ارب روپے  لاڳت نال مکمل تھیوݨ آلے تعلیم اتے ہاؤسنگ منصوبیں دا افتتاح کیتا ویندا پئے۔ انہاں آکھیے جو ورکرز ویلفیئر فنڈ دی طرفوں مالی اعانت ݙتے ونڄݨ آلے اے اقدامات پورے خطے اچ کان اتے صنعتی کارکناں دے معیار زندگی اتے تعلیمی موقع کوں نمایاں طور تے ودھاوݨ سانڳے تعمیر کیتے ویندے پئن ۔ منصوبیں اچ مسلم باغ، بلوچستان اچ سٹاف دی رہائش گاہواں دے نال ھک گرلز ہائی سکول دا قیام شامل اے۔ انہاں آکھیے اے منصوبہ 5,605 کاناں اتے صنعتی کارکناں دے ٻالاں کوں معیاری تعلیم ݙیوݨ سانڳے ڈیزائن کیتا ڳئے۔