صدر مملکت دی پوسٹل لائف انشورنس کوں متوفی پالیسی ہولڈر دے ورثاء کوں 50 لکھ روپے دا ڈیتھ انشورنس کلیم ݙیوݨ دی ہدایت

اسلام آباد۔6فروری(اے پی پی)صدر مملکت ڈاکٹر عارف علوی پوسٹل لائف انشورنس کوں متوفی پالیسی ہولڈر دے ورثاء کوں 50 لکھ روپے دا ڈیتھ انشورنس کلیم ہک مہینے اچ ݙیوݨ دی ہدایت کیتی اے۔ صدر وفاقی محتسب دے فیصلے دے خلاف پوسٹل لائف انشورنس دی اپیل مسترد کر ݙتی جیندے اچ پوسٹل لائف مرحوم دی تاریخ ِپیدائش غلط ݙساوݨ اتے شوگر دی بیماری لکاوݨ تے کلیم ادائیگی توں انکار کیتا  ھا۔ متوفی  عبدالعزیز دے والد انشورنس کلیم توں انکار تے پوسٹل لائف دے خلاف وفاقی محتسب کوں درخؤاست ݙتی ہئی۔ وفاقی محتسب متوفی دے حق اچ فیصلہ ݙتے جیندے تے پوسٹل لائف انشورنس ایجنسی صدر مملکت کوں اپیل کیتی ہئی۔