اسلام آباد۔8فروری(اے پی پی):نگران وزیر اعظم انوار الحق کاکڑ عام انتخابات 2024 دی کامیابی تے قوم کوں مبارک فیندے دعا کیتی اے جو اے الیکشن پاکستان دے سڄاکے اتے خوشحال مستقبل دی راہ ٻݨسن۔ ہک ٹویٹ اچ انہاں آکھیا جو انتخابات دی کامیابی تے پوری قوم دا مشکور ہاں، الیکشن کمیشن آف پاکستان، نگران صوبائی حکومتاں، مسلح افواج، سول آرمڈ فورسز، پولیس، قانون نافذ کرݨ آلے اداریاں، انتخابی عملے، میڈیا …
نگران وزیر اعظم دی عام انتخابات 2024 دی کامیابی تے قوم کوں مبارکباد
اسلام آباد۔8فروری(اے پی پی):نگران وزیر اعظم انوار الحق کاکڑ عام انتخابات 2024 دی کامیابی تے قوم کوں مبارک فیندے دعا کیتی اے جو اے الیکشن پاکستان دے سڄاکے اتے خوشحال مستقبل دی راہ ٻݨسن۔ ہک ٹویٹ اچ انہاں آکھیا جو انتخابات دی کامیابی تے پوری قوم دا مشکور ہاں، الیکشن کمیشن آف پاکستان، نگران صوبائی حکومتاں، مسلح افواج، سول آرمڈ فورسز، پولیس، قانون نافذ کرݨ آلے اداریاں، انتخابی عملے، میڈیا اتے سارے متعلقہ لوکاں دیاں کوششاں بہترین رہین جنہاں آزادانہ و منصفانہ انتخابات کیتے کردار ادا کیتے۔ نگران وزیر اعظم آکھیے جو اے انتخابات ساݙے جمہوری عمل دے استحکام اتے مضبوطی سودھا پاکستانی عوام دے ناقابل تسخیر جذبے دا ثبوت ہین، ووٹراں دی ودھ دلچسپی اتے ٹرن آؤٹ ملک دے مستقبل کیتے لوکاں دا عزم ݙسیندے، جیندے نال جموہریت تکڑی تھیسی۔ وزیر اعظم آکھیے جو پاکستانی عوام اوکھ اتے دہشتگردی دے باوجود غیر معمولی ہمت اتے عزم ݙکھائے، اے امن، استحکام و خوشحالی کیتے ساݙیاں کٹھیاں کوششاں دی عکاسی کریندے۔
