اسلام آباد۔15فروری(اے پی پی) نگران وفاقی وزیر داخلہ ڈاکٹر گوہر اعجاز دی صدارت اچ خمیس کوں منعقدہ اجلاس اچ جاڑے شہراں راولپنڈی اسلام آباد اچ پاݨی ݙیوݨ ، صفائی اتے فضلہ کوں ٹھکاݨے لاوݨ دے موجودہ نظام دا جائزہ ڳھدا ڳئے۔ اجلاس اچ وفاقی وزیر اطلاعات مرتضیٰ سولنگی خصوصی شرکت کیتی جݙاں جو چیف کمشنر اسلام آباد، لوکل گورنمنٹ ڈیپارٹمنٹ، آر ڈی اے اتے کنٹونمنٹ بورڈ دے نمائندگان وی …
وزیر داخلہ گوہر اعجاز دی صدارت اچ راولپنڈی اسلام آباد اچ پاݨی ݙیوݨ تے صفائی دے حوالے نال اجلاس ،وفاقی وزیر اطلاعات مرتضیٰ سولنگی دی اجلاس اچ شرکت
مزید خبراں
اسلام آباد۔15فروری(اے پی پی) نگران وفاقی وزیر داخلہ ڈاکٹر گوہر اعجاز دی صدارت اچ خمیس کوں منعقدہ اجلاس اچ جاڑے شہراں راولپنڈی اسلام آباد اچ پاݨی ݙیوݨ ، صفائی اتے فضلہ کوں ٹھکاݨے لاوݨ دے موجودہ نظام دا جائزہ ڳھدا ڳئے۔ اجلاس اچ وفاقی وزیر اطلاعات مرتضیٰ سولنگی خصوصی شرکت کیتی جݙاں جو چیف کمشنر اسلام آباد، لوکل گورنمنٹ ڈیپارٹمنٹ، آر ڈی اے اتے کنٹونمنٹ بورڈ دے نمائندگان وی اجلاس اچ موجود ہن ۔ اجلاس کوں ݙسایا ڳیا جو اٹھ ہزار کارکن صفائی تے مامور ہن جیڑھے جو ست ارب روپے سالانہ بجٹ نال روزانہ تقریباً 2300 ٹن کچرا ٹھکاݨے لیندن لیکن ایندے باوجود ݙوہیں شہراں اچ صفائی کوں معیاری قرار نی ݙتا ونڄ سڳدا ۔ اجلاس کوں ݙسایا ڳئے جو ایں ویلھے جاڑے شہراں کوں پاݨی دی 47 فیصد کمی دا سامݨا اے۔ وزیر داخلہ آکھیے اساں چاہندوں جو دارالحکومت ݙوجھے شہراں سانڳے روشن مثال بݨے ، پاݨی تے صفائی بنیادی ضرورتاں ہن ، کل دی ضرورتاں پوریاں کرݨ سانڳے اڄ فیصلہ سازی کرݨی ہوسی ۔ایں موقع تے وفاقی وزیر اطلاعات آکھیے زیر زمین پاݨی دی سطح اچ بہتری پاݨی ݙیوݨ اچ ٻہوں اہم اے ایں سانڳے ایں پاسے توجہ ݙیوݨی ہوسی ۔ انہاں آکھیے اسلام آباد دے قدرتی نالیں دی صفائی کوں وی یقینی بݨاوݨاں ہوسی۔
