نگران وزیر اعلی دا بابو صابو ٹول پلازہ دا دورہ، ری ماڈلنگ پراجیکٹ دا معائنہ کیتے

لاہور۔17فروری(اے پی پی)نگران وزیر اعلی پنجاب محسن نقوی لاہور اچ بابو صابو ٹول پلازہ دا دورہ کیتے اتے بابو صابو ٹول پلازہ کوں کھلا کرݨ اتے ری ماڈلنگ پراجیکٹ دا جائزہ ڳھدے اتے ٹول پلازہ دے ݙوہیں پاسو جاری تعمیراتی سرگرمیاں دا معائنہ کیتے۔ وزیر اعلی پنجاب آکھیے جو منصوبہ تیکھے مکمل کرݨ کیتے ودھ وسائل لائے ویسن، منصوبے دی تکمیل نال ٹریفک جام دا مسئلہ حل تھی ویسی اتے لوکاں کوں سوکھ ملسی۔ کمشنر و ڈی جی ایل ڈی اے منصوبے تے نگران وزیر اعلیٰ کوں بریفنگ ݙتی۔ ایں موقع تے صوبائی وزرا عامر میر، اظفر علی ناصر، بلال افضل، چیئرمین پلاننگ اینڈ ڈویلپمنٹ بورڈ، سیکرٹری ہائوسنگ، سی سی پی او، کمشنر لاہور، ڈپٹی کمشنر، چیف انجینئر ایل ڈی اے اتے متعلقہ حکام وی موجود ہن۔