ٹی بی مکا تے رہسوں، صحت دیاں معیاری سہولتاں ݙیوݨ حکومت دی آئینی ذمہ داری اے،وزیر اعظم دا ٹی بی دے عالمی ݙینھ تے سنیہا

اسلام آباد۔24مارچ(اے پی پی):وزیر اعظم محمد شہباز شریف (ٹی بی)تپ دق دے خلاف جنگ کیتے قوم دے کردار دی تعریف کریندے آکھیے جو ملک توں ٹی بی مکا تے رہسوں، صحت دیاں معیاری سہولتاں ݙیوݨ حکومت دی آئینی ذمہ داری اے۔ ٹی بی دے عالمی ݙینھ تے اپݨے سنیہے اچ انہاں آکھیا جو حکومت صحت عامہ دی ترجیح دے طور تے ٹی بی نال نمتݨ دی اہمیت سمڄھدی اے، ایں بیماری کوں مکاوݨ کیتے ویلھے سر تشخیص، تحقیق و علاج ضروری اے جیندے کیتے ڄق اچ آگاہی کھنݙاوݨ دی لوڑھ اے، اساں وی عالمی صحت دے ایجنڈے اچ ٹی بی مکاوݨ کوں ترجیح ݙیندے ہیں اتے ایندے کیتے ودھ وسائل لائے ویسن، وزیر اعظم سارے شراکت داراں، تنظیماں، صحت دی ݙیکھ بھال دے پیشہ ور لوکاں کوں ٹی بی مکاوݨ کیتے ہک مٹھ تھیوݨ دا سنیہا ݙتے۔