اساݙا مذہب مزدور اتے محنت کش طبقے دے حقوق دے تحفظ دا ضامن، ملکی تعمیر تے ترقی انہاں دی محنت پاروں اے، سپیکر قومی اسمبلی سردار ایاز صادق دا سنیھا

اسلام آباد۔1مئی  (اے پی پی) سپیکر قومی اسمبلی سردار ایاز صادق مزدور اتے محنت کش طبقے کوں زبردست خراج تحسین پیش کریندوں جو اساݙا مذہب مزدور اتے محنت کش طبقے دے حقوق دے تحفظ دا ضامن، ملکی تعمیر تے ترقی انہاں دی محنت پاروں اے۔ قومی اسمبلی سیکرٹریٹ توں جاری بیان موجب اے ڳالھیں انہاں مزدوراں دے جڳ ݙیھاڑ دے موقع تے آپݨے سنیھے اچ آکھی۔ انہاں آکھیا جو اساݙے نبی صلی اللہ علیہ وسلم مزدور دا پسینہ خشک تھیوݨ توں پہلے اوندی مزدوری دا حکم ݙتے۔ نبی کریم صلی اللہ علیہ وسلم فرمایا جو کسب حلال کماوݨ آلا محنت کش اللہ تعالیٰ دا دوست ہوندے۔ اساݙا مذہب مزدور اتے محنت کش طبقے دے حقوق دے تحفظ دا ضامن، ملکی تعمیر تے ترقی انہاں دی محنت پاروں اے۔