ریلوے ڈویژن دے ترقیاتی منصوبیں سانڳے 19 ارب 81 کروڑ روپے جاری

اسلام آباد۔2مئی  (اے پی پی):وزارت منصوبہ بندی ،ترقی و اصلاحات سرکاری شعبے دے ترقیاتی پروگراماں اچ ریلویز ڈویژن دے ترقیاتی منصوبیں سانڳے ہݨ تئیں 19 ارب 81کروڑ 20 لکھ روپے دے فنڈز جاری کر ݙتن جنہاں اچوں 18ارب 77کروڑ 39لکھ روپے خرچ کیتے ڳئن ۔ پلاننگ کمیشن دے اعدادوشمار موجب حکومت اڄوکے مالی سال ایں ڈویژن دے ترقیاتی کماں سانڳے 33ارب روپے توں ودھ دے فنڈز رکھئن جنہاں اچوں 19 ارب 81کروڑ 20لکھ روپے جاری جݙاں جو 18 ارب 77 کروڑ روپے خرچ کیتے ڳئن۔