صدر مملکت آصف علی زرداری دا شیخ طہنون بن محمد النہیان دے انتقال تے افسوس

اسلام آباد۔2مئی  (اے پی پی) صدر مملکت آصف علی زرداری دا شیخ طہنون بن محمد النہیان دے انتقال تے افسوس کریندیں ہوئیں آکھیا جو حکمران دے نمائندے شیخ طہنون بن محمد النہیان دے انتقال دی خبر سݨ تے ݙکھ تھیے۔ خمیس کوں صدر مملکت آصف علی زرداری آپݨے ٹویٹ اچ آکھیا جو متحدہ عرب امارات دی قیادت نال شیخ طہنون بن محمد النہیان دی وفات تے تعزیت کرینداں، شیخ طہنون متحدہ عرب امارات دی میراث دے اہم کردار ہن۔ انہاں آکھیا جو اللہ تعالیٰ انہاں دی روح کوں سکون عطا فرماوے، آمین۔