شاہراہ قراقرم تے چلاس دے نیڑےبس حادثہ،  15 لوک جاں بحق،  22  زخمی

گلگت۔3مئی  (اے پی پی):گلگت بلتستان دے ضلع دیامر دے علاقے چلاس دے نیڑے جمعہ دی سویل مسافر بس دے حادثے اچ 15 لوک جاں بحق اتے 22 زخمی تھئن ۔ گلگت بلتستان حکومت دے ترجمان  فیض اللہ فراق موجب حادثہ سویلے 5 وڄے تھئے ۔ مارکو پولو بس نمبر 8831  یشوکھل دے نیڑے موڑ کٹیندے ہوئیں جھکے کݙھے اچ ڈھہہ پئی ۔افسوس ناک حادثے اچ ہݨ تئیں 15 دی اطلاعات دے مطابق مسافر جاں بحق جݙاں جو 22 مسافر زخمی تھئن ۔ زخمی مسافراں کوں ریجنل ہیڈ کوارٹر ہسپتال پڄا ݙتا ڳئے ۔ وزیر اعلی گلگت بلتستان حاجی گلبر خان بس حادثے تے افسوس دا اظہار کیتے۔ وزیر اعلی انتظامیہ تے ریسکیو کوں زخمیاں دی وختی طبی امداد ݙیوݨ دی ہدایت کیتی ۔ ترجمان موجب چلاس ہسپتال اچ ایمرجنسی نافذ کیتی ڳئی اے۔