نائب وزیر اعظم تےوزیر خارجہ محمد اسحاق ڈار دی 15 ویں اسلامی سربراہی اجلاس دی تیاری سانڳے وزرائے خارجہ دے اجلاس اچ شرکت، پاکستان  بیورو آف وزرائے خارجہ دی تیاری دے اجلاس دا نائب صدر منتخب

بنجول۔3مئی  (اے پی پی):نائب وزیراعظم اتے وزیر خارجہ سینیٹر محمد اسحاق ڈار گیمبیا دے شہر بنجول اچ تھیوݨ آلے اسلامی سربراہی اجلاس سانڳے وزرائے خارجہ دی تیاری دے اجلاس اچ شرکت کیتی۔ جمعہ کوں دفتر خارجہ موجب اڄوکے سال سربراہی اجلاس دا موضوع ’’پائیدار ترقی سانڳے ڳالھ مہاڑ دے ذریعے اتحاد اتے یکجہتی کوں ودھاوݨ ‘‘ اے۔ اجلاس اچ پاکستان کوں متفقہ طور تے او آئی سی دے 15ویں اسلامی سربراہی اجلاس سانڳے بیورو آف وزرائے خارجہ دی تیاری دے اجلاس دا نائب صدر منتخب کیتا ڳئے ۔ نائب وزیر اعظم اتے وزیر خارجہ خطاب اچ گیمبیا دے وزیر خارجہ ممداؤ تنگارا کوں سیشن اتے 15ویں اسلامی سربراہی اجلاس دی صدارت سنبھالݨ تے مبارخ ݙتی ۔