وفاقی وزیر منصوبہ بندی تے ترقی احسن اقبال نال ہواوے دے وفد دی ملاقات ،پاکستان اچ ڈیجیٹل کوریڈور ٻݨاوݨ بارے ڳالھ مہاڑ

اسلام آباد۔3مئی  (اے پی پی) وفاقی وزیر منصوبہ بندی تے ترقی احسن اقبال نال ہواوے دے وفد ملاقات کیتی اتے پاکستان اچ ڈیجیٹل کوریڈور ٻݨاوݨ بارے ڳالھ مہاڑ کیتی۔ احسن اقبال آکھیا جو 11 مئی 2018 کوں میں چین دے سفیر نال ہواوے سودھے چار آئی ٹی کمپنیاں دے معاہدے تے دستخط کرݨ آلا ہم پر چھی مئی کوں میں قاتلانہ حملے اچ زخمی تھی ڳئیا۔ انہاں آکھیا جو پاک چائنیز آپٹیکل فائبر دا پہلا فیز مکمل تھی ڳئے۔ ݙوجھا مرحلہ تھیندا پئے۔ ہواوے دے وفد آکھیا جو عالمی سطح تے اساں کنے ساری قومیتاں توں فائیو جی  ٹیکنالوجی دے 10,000 ماہرین ہن جئیں اچوں 5000 پاکستان توں ہن۔ ہواوے پاکستان اچ آپݨا گلوبل سروس سینٹر ٻݨائے۔