صدر مملکت جسٹس شوکت عزیز صدیقی دی ریٹائرمنٹ دا نوٹیفکیشن جاری کرݨ دی منظوری ݙے ݙتی

اسلام آباد۔3مئی  (اے پی پی)  صدر مملکت جسٹس شوکت عزیز صدیقی دی ریٹائرمنٹ دا نوٹیفکیشن جاری کرݨ دی منظوری ݙے ݙتی اے۔ صدرمملکت نوٹیفیکیشن جاری کرم دی منظوری سپریم کورٹ دے 22.03.2024 دے فیصلے دی روشنی اچ ݙتی۔ ایوان صدر دے پریس ونگ موجب ریٹائرمنٹ نوٹیفکیشن دا اطلاق جسٹس شوکت عزیز صدیقی دی  ریٹائرمنٹ دی عمر پوری تھیوݨ دی تاریخ30.06.2021 توں ہوسی۔صدر مملکت نوٹیفکیشن  جاری کرݨ دی منظوری آئین دے آرٹیکل 195 دے تحت ݙتی۔ صدر مملکت جسٹس شوکت عزیز صدیقی کوں اسلام آباد ہائی کورٹ دے جج دے عہدے توں ہٹاوݨ دا 11.10.2018 دا لاء اینڈ جسٹس ڈویژن دا نوٹیفکیشن واپس ڳھنݨ دی وی منظوری ݙتی۔