بنجول۔6مئی (اے پی پی):نائب وزیراعظم اتے وزیر خارجہ محمد اسحاق ڈار آکھیے جو آزاد کشمیر بارے بھارتی رہنماواں دے اشتعال انگیز بیان اتے بلاجواز دعوے علاقائی امن سانڳے سنگین خطرہ ہن، بھارت کشمیریاں کوں آپݨی سرزمین اچ ھک بے اختیار کمیونٹی اچ بدالݨ سانڳے کوششاں تے کشمیری عوام کوں منظم طریقے نال انہاں دے بنیادی حقوق اتے آزادی توں محروم کریندا پئے ۔ دفتر خارجہ توں سنوار کوں جاری بیان …
آزاد کشمیر بارے بھارتی رہنماواں دے اشتعال انگیز بیان تے بلاجواز دعوے علاقائی امن سانڳے خطرہ ہن ، محمد اسحاق ڈار دا او آئی سی رابطہ گروپ دے اجلاس توں خطاب
بنجول۔6مئی (اے پی پی):نائب وزیراعظم اتے وزیر خارجہ محمد اسحاق ڈار آکھیے جو آزاد کشمیر بارے بھارتی رہنماواں دے اشتعال انگیز بیان اتے بلاجواز دعوے علاقائی امن سانڳے سنگین خطرہ ہن، بھارت کشمیریاں کوں آپݨی سرزمین اچ ھک بے اختیار کمیونٹی اچ بدالݨ سانڳے کوششاں تے کشمیری عوام کوں منظم طریقے نال انہاں دے بنیادی حقوق اتے آزادی توں محروم کریندا پئے ۔ دفتر خارجہ توں سنوار کوں جاری بیان موجب اے ڳالھ انہاں گیمبیا دے شہر بنجول اچ 15ویں اسلامی سربراہی اجلاس دے موقع تے جموں و کشمیر بارے او آئی سی رابطہ گروپ توں خطاب اچ آکھی اے اجلاس اچ بھارت دے غیر قانونی طور تےزیرتسلط جموں و کشمیر اچ سیاسی اتے سکیورٹی ماحول اتےعلاقے اچ انسانی حقوق دی سنگین صورتحال دا وی جائزہ ڳھدا ڳئے۔ او آئی سی دے اسسٹنٹ سیکرٹری جنرل سیاسی امور اتے سیکرٹری جنرل دے خصوصی ایلچی جموں و کشمیر یوسف الدوبے دی زیر صدارت تھیوݨ آلے اجلاس اچ رابطہ گروپ دے رکن ملکاں پاکستان، سعودی عرب، ترکی، نائیجر اتے آذربائیجان دے نمائندے شریک تھئن ۔ کشمیری عوام دے حقیقی نمائندیں دا وفد اتے او آئی سی دے آزاد مستقل انسانی حقوق کمیشن دے اعلیٰ حکام وی ایں موقع تے موجود ہن ۔
