آرٹیکل 67 دے مطابق رکن دی قانون سازی دی اہلیت تے سوال نی چاتا ونڄ سڳدا، وفاقی وزیر قانون تے انصاف

اسلام آباد۔6مئی (اے پی پی) وفاقی وزیر قانون تے انصاف سینیٹر اعظم نذیر تارڑ مخصوص نشستاں بارے عدالت عظمیٰ دے عبوری حکم نامہ تے آپݨے بیان اچ آکھیا جو اے آئینی تشریح دا معاملہ اے۔ وزارت قانون تے انصاف توں جاری بیان اچ انہاں آکھیا جو سپریم کورٹ پریکٹس اینڈ پروسیجرز ایکٹ دے تحت 5 رکنی لارجر بینچ دا معاملہ دی سماعت کرݨ موزوں ہوندے۔ انہاں ٻیا آکھیا جو مناسب ہوندا اگر لارجر بینچ کوئی عبوری حکم نامہ وی جاری کریندا۔ وفاقی وزیر آکھیا جو اے آئین دےآرٹیکل 51 اتے 106 دی تشریح دا معاملہ اے۔ اعظم نذیر تارڑ آکھیا جو آرٹیکل 67 واضح اے جو رکن ولوں کیتی ڳئی قانون سازی قانونی نااہلیت دے باوجود وی رہندی اے۔ آرٹیکل 67 دے مطابق رکن دی قانون سازی دی اہلیت تے سوال نی چاتا ونڄ سڳدا۔