این ایف سی ایوارڈدے تحت وفاق توں صوبیں کوں 9 مہینے اچ 38 کھرب، 15 ارب، 14 کروڑ،80 لکھ روپے دے فنڈز جاری

اسلام آباد۔7مئی (اے پی پی):این ایف سی ایوارڈ دے تحت وفاق دی طرفوں صوبیں کوں اڄوکے مالی سال دے پہلے 9 مہینے اچ مجموعی طورتے38 کھرب، 15 ارب، 14 کروڑ،80 لکھ روپے دے فنڈز ݙتے ڳئن ۔ وزارت خزانہ توں جاری اعدادوشمارموجب جولائی توں گھن تے مارچ 2024 دی مدت اچ این ایف سی ایوارڈدے تحت صوبیں کوں 38 کھرب، 15 ارب، 14 کروڑ،80 لکھ روپے دے فنڈز جاری تھئن ۔ گزریل مالی سال دی ایں مدت اچ این ایف سی ایوارڈ دے تحت وفاق دی طرفوں صوبیں کوں 29 کھرب، 53 ارب، 10 کروڑ، 80 لکھ روپے دے فنڈز جاری تھئے ہن۔ جاری مالی سال دے پہلے 9 مہینے اچ این ایف سی ایوارڈدے تحت وفاق ولوں پنجاب کوں 18 کھرب، 65 ارب، 8 کروڑ،80 لکھ روپے ، سندھ کوں 9 کھرب، 46 ارب، 83 کروڑ، 20 لکھ روپے، خیبرپختونخوا کوں 6 کھرب، 23 ارب، 94 کروڑ، 70 لکھ روپے اتےبلوچستان کوں ترائے کھرب، 79 ارب، 28 کروڑ، 10 لکھ روپے دے فنڈزݙتے ڳئن۔