وزیر داخلہ دے حکم تے گارڈن ٹاؤن لاہور تے عوامی مرکز کراچی دے پاسپورٹ آفس 24 گھنٹے کھلیے رہسن ،پوری کوشش اے عوام کوں پاسپورٹ بݨواوݨ اچ کوئی اوکھ نہ تھیوے ، محسن نقوی

اسلام آباد۔8مئی(اے پی پی):وفاقی وزیرداخلہ محسن نقوی دے احکامات تےعوام دی سہولت سانڳے گارڈن ٹاؤن لاہورتے عوامی مرکز کراچی دے پاسپورٹ دفترہفتے دے ستویں ݙینھ تے 24 گھنٹے کھلیے رہسن ۔ ڈائریکٹوریٹ جنرل امیگریشن اینڈ پاسپورٹس ایں ضمن اچ نوٹیفکیشن جاری کرݙتے ۔وزارت داخلہ دی طرفوں جاری بیان موجب وفاقی وزیر داخلہ محسن نقوی صرف 72 گھنٹے اچ وعدہ پورا کرݙکھائے جیں دے نتیجے اچ لاہور تے کراچی دے عوام کوں وݙا ریلیف مل ڳئے ۔ لاہور تے کراچی اچ ݙو پاسپورٹ آفس ہفتے دے ست ݙینھ تے 24 گھنٹے اوپن کرݙتے ڳئن ۔ انھاں اچ گارڈن ٹاؤن لاہور اتے عوامی مرکز کراچی دے پاسپورٹ آفس شامل ہن۔ وفاقی وزیرداخلہ محسن نقوی آکھیے ایں اقدام توں عوام دی مشکلات دا ازالہ تھیسی، میݙی پوری کوشش اے عوام کوں پاسپورٹ بݨواوݨ اچ کوئی اوکھ نہ تھیوٖے۔