وزیرِاعظم دی تکنیکی و فنی تعلیم کوں ھکو سواں کرݨ ،ٻاہرلے ملک پاکستانی افرادی قوت دے چنڳے روزگار سانڳے پاکستان سکل کمپنی، سکل ڈویلپمنٹ فنڈ دے قیام ، تکنیکی تے فنی تربیت دے شعبے اچ اصلاحات سانڳے کمیٹٰی بݨاوݨ دی ہدایت

اسلام آباد۔8مئی(اے پی پی):وزیرِ اعظم محمد شہباز شریف نے تکنیکی و فنی تعلیم کوں ھکو سواں کرݨ ،ٻاہرلے ملک پاکستانی افرادی قوت دے چنڳے روزگار سانڳے پاکستان سکل کمپنی، سکل ڈویلپمنٹ فنڈ دے قیام ، تکنیکی تے فنی تربیت دے شعبے اچ اصلاحات سانڳے کمیٹٰی بݨاوݨ دی ہدایت کرݙتی اے ۔وزیراعظم آفس دے میڈیاونگ توں جاری بیان موجب اے ڳالھ وزیراعظم اپݨی زیر صدارت وزارت امور سمندر پار پاکستانی و ترقی افرادی قوت اتے نیشنل ووکیشنل اینڈ ٹیکنکل ٹریننگ کمیشن دے حوالے نال اعلی ٰسطحی جائزہ اجلاس اچ آکھی اے ۔ اجلاس اچ وفاقی وزرا احد خان چیمہ، خالد مقبول صدیقی، وزیرِ مملکت شزہ فاطمہ خواجہ، چیئرمین وزیرِ اعظم یوتھ پروگرام رانا مشہود احمد خان، وزیرِ اعظم کے کوارڈینیٹر رانا احسان افضل، قومی کوارڈینیٹر خصوصی سرمایہ کاری سہولت کونسل لیفٹیننٹ جنرل سرفراز احمد، ڈپٹی چیئرمین پلاننگ کمیشن جہانزیب خان اتے متعلقہ اعلیٰ حکام شرکت کیتی۔اجلاس اچ وزیرِ اعظم کوں این اے وی ٹی ٹی سی دے پاکستان اچ افرادی قوت دی تکنیکی و فنی تربیت دے اقدامات دا ݙسایا ڳئے۔ اجلاس کوں ݙسایا ڳئے جو این اے وی ٹی ٹی سی اڄوکے سال 60 ہزار لوکاں کوں تکنیکی و فنی تربیت ݙیسی جݙاں جو اصلاحات مکمل تھیوݨ دے بعد آندے ترائے سال اچ کل 6 لکھ لوکاں کوں تکنیکی و فنی تربیت ݙتی ویسی ۔اجلاس کوں اے وی ݙسایا ڳئے تکنیکی و فنی تربیت سانڳے نہ صرف ٻاہرلے ملک توں روزگار دے موقع اتے درکار ہنر دی معلومات دا تبادلہ یقینی بݨایا ویندا پئے بلکہ مقامی صنعت توں وی ایں حوالے نال افرادی قوت دی کھپت دا ڈیٹا ڳھدا ویندے۔ اجلاس اچ وزارتِ امورِ سمندر پار پاکستانی و ترقی افرادی قوت تے وی تفصیلی بریفنگ ݙتی ڳئی تے اصلاحات تے سفارشاں وی پیش کیتیاں ڳئن ۔