کامن ویلتھ یوتھ سیکرٹریٹ پاکستان اچ بݨݨ نال نینگراں کوں 56 ملکاں تئیں رسائی ہوسی، رانا مشہود احمد

اسلام آباد۔10مئی (اے پی پی):وزراعظم یوتھ پروگرام دے چیئرمین رانا مشہود احمد آکھیے جو کامن ویلتھ یوتھ سیکرٹریٹ پاکستان اچ بݨݨ نال نینگراں کوں 56 ملکاں تئیں رسائی ہوسی۔ وزیراعظم محمد شہبازشریف دا مشن معیشت دی بہتری دے نال نال نینگراں کوں بااختیار بݨاوݨ اے  ، حکومت دے دانشمندانہ اقدامات پاروں سارے معاشی اشاریے مثبت راہ تے ٹردے پئن ۔ وزیراعظم دی خصوصی دلچسپی نال قومی ہاکی ٹیم شاندار کارکردگی دا مظاہرہ کریندی پئی اے ۔ اے ڳالھ انہاں کامن ویلتھ دے وفد دے رلے پریس کانفرنس اچ آکھی ۔ انہاں آکھیے ملک اچ عام انتخابات دے بعد معیشت اپݨے پیراں تے کھڑی تھیندی پئی اے دنیا دا رخ پاکستان آلے پاسے تھی چکیے ۔ارباں ڈالرز دی سرمایہ کاری تھیندی پئی اے اے خوشی دی نوید اے۔