اسلام آباد۔10مئی (اے پی پی):وفاقی وزیر داخلہ محسن نقوی آکھیے اسلام آبادجیل تعمیر دا پہلا مرحلہ ریکارڈ 6 مہینے دی مدت اچ مکمل کیتا ویسی۔اے ہدایت انہاں اسلام آباد دے سیکٹر ایچ اچ زیر تعمیر جیل دا دورہ کرݨ دے موقع تے ݙتی ڳئی بریفنگ اچ ݙتی۔وفاقی وزیرداخلہ محسن نقوی زیر تعمیر جیل دا معائنہ کیتا۔ وزیر داخلہ چیف کمشنر اسلام آباد اتے آئی جی اسلام آباد پولیس کوں …
اسلام آبادجیل تعمیر دا پہلا مرحلہ ریکارڈ 6 مہینے دی مدت اچ مکمل کیتا ویسی ،وفاقی وزیر داخلہ
اسلام آباد۔10مئی (اے پی پی):وفاقی وزیر داخلہ محسن نقوی آکھیے اسلام آبادجیل تعمیر دا پہلا مرحلہ ریکارڈ 6 مہینے دی مدت اچ مکمل کیتا ویسی۔اے ہدایت انہاں اسلام آباد دے سیکٹر ایچ اچ زیر تعمیر جیل دا دورہ کرݨ دے موقع تے ݙتی ڳئی بریفنگ اچ ݙتی۔وفاقی وزیرداخلہ محسن نقوی زیر تعمیر جیل دا معائنہ کیتا۔ وزیر داخلہ چیف کمشنر اسلام آباد اتے آئی جی اسلام آباد پولیس کوں تعمیراتی سرگرمیاں تے باقاعدگی نال پیشرفت دا جائزہ گھنݨ دی ہدایت ݙتی ۔ انہاں آکھیے 13 سال تئیں منصوبے کوں لٹکائے رکھݨ نااہلی اے۔ݙینھ رات کم کرتے جیل دی تعمیر دا کم مکمل کیتا ونڄے ۔ ضروری عملے دی تعیناتی وی وختی شروع کیتی ونڄے ۔منصوبے دی تکمیل سانڳے وسائل دی فراہمی یقینی بݨائی ونڄے ۔ وفاقی وزیرداخلہ محسن نقوی زیر تعمیر منصوبے دی تکمیل تے متعلقہ حکام کوں ہدایات ݙتن ۔چیف کمشنر اسلام آباد محمد علی رندھاوا پراجیکٹ بارے بریفنگ ݙیندے ہوئیں ݙسائے جو اسلام آباد اچ جیل دی تعمیر دا منصوبہ 2011 اچ شروع تھیا ۔ کئی سال دے بعد وی ایں منصوبے کوں مکمل نی کیتا ونڄ سڳیا ۔ جیل اچ 2 ہزار قیدی رکھݨ دی گنجائش ہوسی جیڑھی ودھائی ونڄ سڳسی ۔ وفاقی سیکرٹری داخلہ خرم آغا،چیف کمشنر اسلام آباد محمد علی رندھاوا، آئی جی پولیس اسلام آبادسیدناصر رضوی، کنٹریکٹرز، کنسلٹنٹ اتے متعلقہ حکام موجود ہن۔
