اسلام آباد۔10مئی (اے پی پی):وزیراعظم محمد شہباز شریف ملکی برآمدات کوں مزید مسابقتی بݨاوݨ دے حوالے نال وختی اقدامات کرݨ دی ہدایت کریندے ہوئیں آکھیے جو تجارت اتے کاروبار اچ سوکھ تے پالیسیاں بݨیندے ہوئیں نجی شعبے نال مشاورت یقینی بݨائی ونڄے ۔ وزیراعظم آفس دے میڈیا ونگ توں جاری بیان موجب وزیراعظم دی صدارت اچ تجارت دے شعبے دے حوالے نال اہم جائزہ اجلاس وزیراعظم ہاؤس اچ تھئے …
تجارت اتے کاروبار اچ سوکھ دے حوالے نال پالیساں بݨیندے ہوئیں نجی شعبے نال مشاورت یقینی بݨائی ونڄے ، وزیراعظم دی ہدایت
اسلام آباد۔10مئی (اے پی پی):وزیراعظم محمد شہباز شریف ملکی برآمدات کوں مزید مسابقتی بݨاوݨ دے حوالے نال وختی اقدامات کرݨ دی ہدایت کریندے ہوئیں آکھیے جو تجارت اتے کاروبار اچ سوکھ تے پالیسیاں بݨیندے ہوئیں نجی شعبے نال مشاورت یقینی بݨائی ونڄے ۔ وزیراعظم آفس دے میڈیا ونگ توں جاری بیان موجب وزیراعظم دی صدارت اچ تجارت دے شعبے دے حوالے نال اہم جائزہ اجلاس وزیراعظم ہاؤس اچ تھئے ۔ اجلاس اچ وفاقی وزیر تجارت جام کمال خان ، وفاقی وزیر خزانہ و محصولات محمد اورنگزیب ، وزیر پٹرولیم مصدق ملک ، وزیر اقتصادی امور احد خان چیمہ ، ڈپٹی چیئرمین پلاننگ کمیشن جہانزیب خان ، گورنر اسٹیٹ بینک اتے متعلقہ اعلیٰ سرکاری افسران شرکت کیتی ۔ اجلاس اچ ڳالھ مہاڑ کریندے ہوئیں وزیراعظم آکھیے اساکوں ایجھی تجارتی پالیسی تیار کرݨ دی لوڑھ اے جیں توں کاروبار اچ سوکھ تے سہولت ہووے ۔ انہاں ہدایت کیتی جو ملکی برآمدات کوں مزید مسابقتی بݨاوݨ دے حوالے نال وختی اقدامات کیتے ونڄن ، غیر روایتی چیزاں دی برآمدات تے اقدامات چاتے ونڄن ، تجارت اتے کاروبار اچ سوکھ کیتے پالیسیاں بݨیندے ہوئیں نجی شعبے نال مشاورت یقینی بݨائی ونڄے ۔
