زندگی دی دھپ اچ ما ٹھڈی چھاں وانڳوں راحت تے سکون اے، مریم نواز

لاہور۔12مئی  (اے پی پی):وزیر اعلیٰ پنجاب مریم نوازما دے جڳ ݙیھاڑ تے آپݨے سنھیے اچ آکھیے جو سراپا شفقت و عنایت ما دی عظمت کوں سلام۔مدر ڈے غزہ اتے کشمیر دی پرعزم اتے حوصلہ مند ماواں دے ناویں۔ زندگی دی دھپ اچ ما ٹھڈی چھاں وانڳوں راحت تے سکون اے اللہ تعالی اپݨی محبت کوں ما دی محبت نال تشبیہ ݙے تے درجہ بلند کرݙتا۔ما سچے جذبے اتے رشتے دا ناں اے، ماواں  خاندان دا سنگ بنیاد اتے معاشرت دا ستون ہن۔انہاں آکھیے مدر ڈے ما دی غیر معمولی محبت اتے قربانیاں کوں منݨ دا ݙینھ اے مدر ڈے اتے ہر ݙینھ آپݨی عظیم ما دی کمی محسوس کریندی آں ۔ ہمیشہ اپݨی والدہ محترمہ دی محبتاں دی شکر گزار رہساں۔ والدہ محترمہ دی دعاواں نال اڄ ایں منصب تے ہاں۔