اسلام آباد۔13مئی (اے پی پی) وزیراعظم محمد شہبازشریف معیشت دی بحالی کوں پہلی ترجیح اتے سعودی عرب نال تعلقات کوں دنیا کیتے مثال قرار ݙیندیں ہوئیں آکھیا جو پاکستان اچ ٻاہرلی سرمایہ کاری کیتے سازگار ماحول ݙیوݨ کیتے پرعزم ہیسے، مجموعی قومی پیداوار ودھاوݨ کیتے جدید ٹیکنالوجی دے استعمال نال اصلاحات ڳھدی آندوں۔ کرپشن دے خاتمے کیتے کم کریندے پئیون۔ سعودی عرب نال اعلیٰ سطح دے اڄوکے رابطے نال معیشت …
پاکستان اچ ٻاہرلی سرمایہ کاری کیتے سازگار ماحول ݙیوݨ کیتے پرعزم ہیسے، مجموعی قومی پیداوار ودھاوݨ کیتے جدید ٹیکنالوجی دے استعمال نال اصلاحات ڳھدی آندوں، وزیراعظم دا انٹرویو
اسلام آباد۔13مئی (اے پی پی) وزیراعظم محمد شہبازشریف معیشت دی بحالی کوں پہلی ترجیح اتے سعودی عرب نال تعلقات کوں دنیا کیتے مثال قرار ݙیندیں ہوئیں آکھیا جو پاکستان اچ ٻاہرلی سرمایہ کاری کیتے سازگار ماحول ݙیوݨ کیتے پرعزم ہیسے، مجموعی قومی پیداوار ودھاوݨ کیتے جدید ٹیکنالوجی دے استعمال نال اصلاحات ڳھدی آندوں۔ کرپشن دے خاتمے کیتے کم کریندے پئیون۔ سعودی عرب نال اعلیٰ سطح دے اڄوکے رابطے نال معیشت بہتر تھیسی۔ اے ڳالھیں انہاں العربیہ نیوزچینل کوں ݙتے ڳئے خصوصی انٹرویو اچ آکھی۔ وزیراعظم آکھیا جو پاکستان اتے سعودی عرب دے تعلقات کئی ݙھاکیاں دے ہن۔ پاکستان اتے سعودی عرب دے تعلقات دی دنیا اچ مثال کائنی۔ سعودی ولی عہد محمد بن سلمان گزریل اٹھ سالیں اچ مثالی کامیابیاں حاصل کیتن جیڑھی جو انہاں دی مدبرانہ فراست تے مثالی قیادت پاروں ممکن تھیے۔ انہاں آکھیا جو پاکستان دے کہیں وی وزیراعظم دا ساریاں توں پہلے سعودی عرب دا دورہ ہک روایت رہی اے۔ سعودی وزیر خارجہ اتے اعلیٰ سرمایہ کاری وفد دا وفد دا دورہ پاکستان نواں سنگ میل ثابت تھیسی۔ انہاں آکھیا جو پاکستان اچ ٻاہرلی سرمایہ کاری کیتے سازگار ماحول ݙیوݨ کیتے پرعزم ہیسے، مجموعی قومی پیداوار ودھاوݨ کیتے جدید ٹیکنالوجی دے استعمال نال اصلاحات ڳھدی آندوں۔
