بیجنگ ۔15مئی(اے پی پی):نائب وزیر اعظم اتے وزیر خارجہ سینیٹر محمد اسحاق ڈار بیجنگ اچ چین دے ایگزیکٹو نائب وزیر اعظم ڈنگ زوکسیان نال ملاقات کیتی ۔ دفتر خارجہ موجب ملاقات اچ ݙوہیں پاسوں دے اعلیٰ حکام وی موجود ہن ۔ نائب وزیراعظم اتے وزیر خارجہ اڄوکے سال 26 مارچ کوں شانگلہ حملے تے چین دے ایگزیکٹو نائب وزیر اعظم نال تعزیت کیتی تے مجرماں کوں کیفرکردار تئیں پڄاوݨ دا …
نائب وزیر اعظم اتے وزیر خارجہ سینیٹر محمد اسحاق ڈاردی بیجنگ اچ چین دے ایگزیکٹو نائب وزیر اعظم ڈنگ زوکسیان نال ملاقات
بیجنگ ۔15مئی(اے پی پی):نائب وزیر اعظم اتے وزیر خارجہ سینیٹر محمد اسحاق ڈار بیجنگ اچ چین دے ایگزیکٹو نائب وزیر اعظم ڈنگ زوکسیان نال ملاقات کیتی ۔ دفتر خارجہ موجب ملاقات اچ ݙوہیں پاسوں دے اعلیٰ حکام وی موجود ہن ۔ نائب وزیراعظم اتے وزیر خارجہ اڄوکے سال 26 مارچ کوں شانگلہ حملے تے چین دے ایگزیکٹو نائب وزیر اعظم نال تعزیت کیتی تے مجرماں کوں کیفرکردار تئیں پڄاوݨ دا یقین ݙیوائے تے ماریے ونجݨ آلے چینی کارکناں دی خدمات دی تعریف کیتی ۔ ݙوہیں رہنماواں سی پیک دے ݙوجھے مرحلے، تجارت، اقتصادی تعاون اتے سرمایہ کاری سودھے ݙو طرفہ تعلقات دے مختلف پہلواں تے ڳالھ مہاڑ کیتی ۔ انہاں خنجراب بارڈر کراسنگ دے ذریعے رابطے اتے ویزا دے سوکھے نظام تے وی ڳالھ مہاڑ کیتی تے تعاون دے سارے شعبیں اچ پاک چین تعلقات دی ودھدی رفتار کوں برقرار رکھݨ تے پاک چین دوستی کوں مزید گھاٹا کرݨ تے اتفاق کیتے ۔ محمد اسحاق ڈار توانائی اتے انفراسٹرکچر اچ سی پیک دی طرفوں پیش رفت دا جائزہ ڳھدا ۔ انہاں صنعت، زراعت اتے معدنی ترقی دے شعبیں اچ ݙوجھے مرحلے دی تحت مثبت منافع تے اعتماد دا اظہار کیتے۔ چین دے نائب وزیر اعظم ڈنگ ذوکسیان معیشت، تجارت اتے سرمایہ کاری سودھے تعاون دے سارے شعبیں اچ پاکستان سانڳے چین دی مکمل حمایت تے سانجھی خوشحالی اتے ترقی سانڳے سی پیک منصوبیں تے تکھی رفتار عمل درآمد دی اہمیت دا اعادہ کیتے۔
